„ქართული ოცნების“ ძირითადი ამოცანაა, რომ არცერთი სახელისუფლებო შტო არ დარჩეს მათი კონტროლის გარეშე, ამიტომ, ვფიქრობ, მომავალი საპრეზიდენტო არჩევნები ისეთი სახის, როგორც ჩვენ წარმოგვიდგენია, არ იქნება“, - ამის შესახებ "რესპუბლიკური პარტიის" ერთ-ერთმა ლიდერმა ლევან ბერძენიშვილმა "ესქსპრესნიუსთან" ინტერვიუში განაცხადა.

როგორც ბერძენიშვილმა აღნიშნა, "ოცნების" დაპირება, რომ ისინი პრეზიდენტის არჩევის წესს შეცვლიან, ძალაში შევა.

"იქნება სრული გარანტია, რომ ისინი აირჩევენ იმას ვინც სურთ. ასეთ პრეზიდენტად შეიძლება აირჩიონ როგორც ირაკლი ღარიბაშვილი თუ ბიძინა ივანიშვილის სურვილი ეს იქნება, ან ბიძინა ივანიშვილიც თუ ეს ისევ მისი სურვილი იქნება. ივანიშვილის პრეზიდენტობა მე ვფიქრობ, რომ არ იქნება სასარგებლო, რადგან 1 წლის შემდეგ აუცილებლად წავა. მას არ უყვარს ხელისუფლება, ის ბიზნესმენია და თავისი საქმე უფრო აინტერესებს. რაც შეეხება ღარიბაშვილს თუ ის დისკუსში კვლავ შემოიყვანეს, გამოდის რომ მათი თვალსაწიერი ღარიბია. ირაკლი ღარიბაშვილი რაც არის ჩვენ ვიცით, მაგრამ შეიძლება თავზე მოგვახვიონ, იმიტომ, რომ პარლამენტი აირჩევს. თავიდან ივანიშვილს უნდოდა ვანო კიღურაძე პრეზიდენტად, ეგონა, რომ მოხერხებული პრეზიდენტი იქნებოდა და კიდევ კარგი ეს ასე არ მოხდა, რადგან კიღურაძე ძალიან ჯიუტი კაცია და ბევრ პრობლემას შეუქმნიდა. ამასთან, ღარიბაშვილი ნიშნავს უკიდურესად მორჩილ პრეზიდენტს. იგი გამოვცადეთ და ვნახეთ, რომ მაღალ თანამდებობას არ შეესაბამებოდა. ამაში ყველა დარწმუნედა, უცხოელებიც, შინაურებიც და ივანიშვილიც, ამიტომ უბრალოდ ამოაძრო პოლიტიკიდან საცობივით. ისევ საცობივით დაუსვას პოლიტიკას ეს კაცი, საზოგადოების მეტისმეტი დაცინვაა. თუ ამაზე მეტი არ შეუძლიათ, ბუნებრივია ასეც იზამენ, მაგრამ ამას არ ველოდები. ყველაფერი არის იმაზე დამოკიდებული, როდის, რა და რომელ საათზე მოუნდება ბიძინა ივანიშვილს. თუმცა ეს დიდხანს არ გაგრძელდება. ვერც ივანიშვილი შეინარჩუნებს ექსკლუზიურ უფლებებს და ვერც ჩვენი ხალხი შეეგუება იმას, რომ პრეზიდენტის არჩევა იმაზე იყოს დამოკიდებული, თუ რამდენი ხანი იმუშავა ადამიანმა ბანკ „ქართუში“", - განაცხადა ბერძენიშვილმა.

ინტერვიუ ლევან ბერძენიშვილთან

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა