„ამ ქვეყანაში ძალადობა კატასტროფულ  ნიშნულამდე არის მისული და ის სწორედ სიძულვილით არის მოტივირებული“, - ამის შესახებ „რესპუბლიკური პარტიის“ წევრმა თამარ კორძაიამ ტრანსგენდერზე მომხდარ თავდასხმის ფაქტთან დაკავშირებით განაცხადა.

როგორც კორძაიამ აღნიშნა,  საზოგადოებაში სიძულვილი ღრმად არის ფესვგადგმული.

„ჩვენ ამ თემაზე ვსაუბრობთ მაშინ,  როდესაც ვიღაცას მოკლავენ ან ვიღაც სასიკვდილოდ არის განწირული და სიცოცხლის გადასარჩენად საავადმყოფოში იბრძვის. სხვა შემთხვევებში  არ გვახსოვს ტრანსგენდერი ადამიანები.  ისინი ძალადობის მსხვერპლნი ყოველდღე არიან. ყველაზე სამწუხაროა ის,  რომ სწორედაც ჯერ კიდევ მოქმედმა პარლამენტმა ვერ დაინახა , რომ ფემიციდი  სიძულვილით მოტივირებული დანაშაულია. ამის ფონზე, როდესაც ვლაპარაკობთ ქორწინების დეფინიციის განსაზღვრაზე, მგონი სიმართლესთან თვალის გასწორების  პერსპექტივა არ ჩანს“, - განაცხადა თამარ კორძაიამ.

ცნობისთვის, ორთაჭალაში რამდენიმე დღის წინ 32 წლის მოქალაქეს ორმა პირმა მრავლობითი ჭრილობები მიაყენა და ფიზიკურად გაუსწორდა. დაზარალებულის მდგომარეობა მძიმეა. სამართალდამცველებმა თავდასხმაში ბრალდებული ერთი პირი დააკავეს.

გამოძიება განზრახ მკვლელობის მცდელობის ფაქტზე მიმდინარეობს (საქართველოს სსკ-ს 19-108-ე მუხლით).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა