„ეროვნული ფორუმის“ ერთ-ერთი ლიდერის ანი მიროტაძის განცხადებით, პარტია „ნაციონალურ მოძრაობასთან“ არც ერთ შემთხვევაში არ ითანამშრომლებდა.

როგორც მიროტაძემ აღნიშნა, "ნაციონალური მოძრაობა" იყო, არის და დარჩება დანაშაულებრივ რეჟიმად.

„არა მხოლოდ არ მიმდინარეობდა, არამედ საერთოდ არ დასმულა ეს საკითხი, რომც დასმულიყო, „ეროვნული ფორუმი“ „ნაციონალურ მოძრაობასთან“ არც ერთ შემთხვევაში არ აპირებდა თანამშრომლობას, არ აპირებს ახლა და არც მომავალში. მსგავსი წინადადების განხილვა არასდროს არ გვქონია და მსგავსი შეთანხმება ბუნებაში არ არსებობს. წარმოდგენა არ მაქვს, ბარამიძეს ამის თქმა რაში დასჭირდა, ესეც გამოჩნდება ალბათ. შემიძლია, სრული პასუხისმგებლობით გითხრათ, რომ მსგავსი ტიპის განხილვები არასდროს ყოფილა და ვერც ვერავინ გაბედავდა, „ეროვნული ფორუმთან“ ამაზე საუბარს. „ნაციონალური მოძრაობა“ იყო, არის და რჩება ჩემთვის პირადად დანაშაულებრივ რეჟიმად“, - განაცხადა ანი მიროტაძემ.

შეგახსენებთ, რომ "ნაციონალური მოძრაობის" ერთ-ერთმა ლიდერმა გია ბარამიძემ განაცხადა, რომ "ეროვნული ფორუმი" და "თავისუფალი დემოკრატები", მათთან უმრავლესობის შექმნას აპირებდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა