2016-10-14 11:32:45, 789 ნახვა
საზოგადოება
სვეტიცხოვლის საკათედრო ტაძარში საღმრთო ლიტურგია სრულდება
სვეტიცხოვლის საკათედრო ტაძარში, სვეტიცხოვლობის დღესასწაულთან დაკავშირებით, საღმრთო ლიტურგია მიმდინარეობს.
საღმრთო ლიტურგიას სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე აღავლენს.
სადღესასწაულო ლიტურგიას ტაძარში საქართველოს პრემიერ-მინისტრი გიორგი კვირიკაშვილი, პირველი ვიცე-პრემიერი და ეკონომიკის მინისტრი დიმიტრი ქუმსიშვილი, ასევე თავდაცვის, განათლების, ფინანსთა, კულტურის, გარემოს დაცვის მინისტრები, თბილისის საკრებულოს თავმჯდომარე გიორგი ალიბეგაშვილი და სხვა პირები ესწრებიან.
ტაძარში სხვადასხვა ეკლესია-მონასტრებიდან ჩამოსული ბერ-მონაზვნები, სასულიერო პირები და ჩოხოსნები იმყოფებიან.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
