გადაწყვეტილება ხმათა აბსოლუტური უმრავლესობით მივიღეთ, - ამის შესახებ "ნაციონალური მოძრაობის" პოლიტსაბჭოს წევრმა სერგი კაპანაძემ ჟურნალისტებს განუცხადა.

მისი განცხადებით, აღნიშნული საკითხის შესახებ იყო დისკუსია და ეს არის ჯანსაღი პროცესი ყველა ნორმალურ დემოკრატიულ ევროპულ პარტიაში.

"გადაწყვეტილება მიიღო პარტიის პოლიტსაბჭომ ხმათა აბსოლუტური უმრავლესობით. იყო დისკუსია და ეს არის ჯანსაღი პროცესი ყველა ნორმალურ დემოკრატიულ ევროპულ პარტიაში. გვქონდა აზრთა გაცვლა-გამოცვლა, თუმცა კიდევ ერთხელ ვამბობ, რომ გადაწყვეტილება ხმათა აბსოლუტური უმრავლესობით მივიღეთ", - აღნიშნა კაპანაძემ. 

მისივე თქმით, წინსაარჩევნო გარემოში იყო სერიოზული ძალადობისა და არათანაბარი პირობები.

"იყო ძალიან ბევრი დარღვევა, სერიოზული ძალადობა, არათანაბარი პირობები, მაგრამ მიუხედავად ამისა ჩვენ ვალდებულები ვართ პატივი ვცეთ იმ ამომრჩევლებს, ვინც ხმა დაგვიჭირა და ასევე მათ, ვინც ხმა არ მოგვცა. დღეს, როგორც არასდროს, საქართველოს სჭირდება ძლიერი პროდასავლური ოპოზიცია, რათა ივანიშვილს შევუშალოთ ხელი, მოაგროვოს საკონსტიტუციო უმრავლესობა და მართოს ქვეყანა ისე, როგორც მოესურვება", - განაცხადა კაპანაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა

დააკავეს ნაცისტურ-ფაშისტური იდეოლოგიის მქონე დაჯგუფების ერთ-ერთი ლიდერი - შსს