ცესკო განმარტავს, რატომ გაჭიანურდა დარჩენილი 3 უბნის შედეგების გამოქვეყნება

2016-10-10 16:49:26, 800 ნახვა

პოლიტიკა

ცენტრალური კომისიის სპიკერის ანა მიქელაძის განცხადებით, იმ სამი უბნიდან, რომლის შედეგებიც უცნობია, 2 ჯიხაშკარშია, ერთი კი დიდუბეში.

მიქელაძის თქმით, საუბნო საოლქო კომისიი ჯიხაშკარის უბნის ბათილობის საკითხს განიხილავს.

”ამ ეტაპზე ცესკოს ვებგვერდზე მოცემული არ არის სამი უბნის მონაცემები. ამ სამი უბნიდან 2 ჯიხაშკარშია, სადაც ცნობილი მოვლენები მოხდა. აღნიშნულ უბანზე რა თქმა უნდა, ვერ შედგა შემაჯამებელი ოქმი. აღნიშნული უბნის ბათილობის საკითხს განიხილავს საოლქო საარჩევნო კომისია. ამის შემდეგ მიღებული იქნება გადაწყვეტილება. რაც შეეხება დიდუბის 26-ე საარჩევნო უბანს, ამ უბანთან დაკავშირებით საოლქო-საარჩევნო კომისია იმსჯელებს და გადაწყვეტილებას მიიღებს”, - განაცხადა ანა მიქელაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან