ჩვენ "თავისუფალი დემოკრატები" ამ არჩევნებში დავმარცხდით, რადგან ვერ მივიღეთ შედეგი რასაც ველოდით, - ამის შესახებ "თავისუფალი დემოკრატების" პოლიტიკურმა მდივანმა, ნინო გოგუაძემ ირაკლი ალასანიას ბრიფინგის შემდეგ ჟურნალისტებს განუცხადა.

როგორც გოგუაძემ აღნიშნა, პარტია ჩვეულ რეჟიმში გააგრძელებს პოლიტიკურ საქმიანობას.

"ყველას გვაქვს კრიზისის დრო. კრიზისის დრო, ასევე არის შესაძლებლობების გახსნის დროც. აუცილებლად გადავხარისხდებით, გავაანალიზებთ ყველა შეცდომას რაც დავუშვით და აუცილებლად ვიბრძოლებთ ევროპული, დემოკრატიული სახელმწიფოსთვის. დღეს მიუხედავად იმისა, რომ ქართველმა ხალხმა ასეთი არჩევანი გააკეთა, მგონი ზუსტად არ აქვთ გააზრებული, თუ როგორი ტიპის სახელმწიფო მიიღო. მჯერა, რომ ასეთი ტიპის სახელმწიფო საბჭოთა კავშირის სახელმწიფოს, საქართველოში პერსპექტივა არ აქვს. ამიტომ აუცილებლად გავაგრძელებთ ბრძოლას ევროპული და დემოკრატიული სახელმწიფოსთვის და ეს დრო ქვეყანაში აუცილებლად დადგება", - განაცხადა გოგუაძემ.

ჟურნალისტის კითხვაზე თუ ვინ რჩება პარტიაში, გოგუაძემ აღნიშნა, რომ რამდენიმე დღის შემდეგ ყველაფერი გახდება ცნობილი. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა

დააკავეს ნაცისტურ-ფაშისტური იდეოლოგიის მქონე დაჯგუფების ერთ-ერთი ლიდერი - შსს

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა