საპარლამენტო არჩევნების მეორე ტურში მონაწილეობასთან დაკავშირებით, „ნაციონალურ მოძრაობას“ ჯერ გადაწყვეტილება არ მიუღია.

დავით დარჩიაშვილი არ მალავს, რომ აღნიშნულთან დაკავშირებით პარტიაში აზრთა სხვადასხვაობაა.

თავად დარჩიაშვილი ფიქრობს, რომ არჩევნები გაყალბდა, თუმცა ამომრჩეველთა უფლებების დაცვა გასათვალისწინებელია.

„ვერ გეტყვით დღესვე იქნება გადაწყვეტილება, თუ ხვალამდე მოვიცდით. არც ისე მარტივი თემაა. ეს არჩევნები გაყალბდა ისე, რომ ზუსტად ის პროცენტი აქვთ, რაც აბსოლუტურ გამარჯვებას მოუტანდა „ქართულ ოცნებას“. ასე იქნება მეორე ტურშიც, მაგრამ  500 ათასი ამომრჩევლის უფლებების დაცვა გასათვალისწინებელია“, - განაცხადა დავით დარჩიაშვილმა და დასძინა, რომ თავად მეორე ტურში მონაწილეობის აზრს ხედავს:

„არა იმიტომ, რომ გამარჯვების იმედი მაქვს ამ პირობებში, მაგრამ ჩვენ უნდა ყველა ნიშა შევავსოთ, ყველანაირი ადგილი გამოვიყენოთ საზოგადოებისთვის ჩვენი სიმართლის მისატანად“, - აღნიშნა დავით დარჩიაშვილმა.

რაც შეეხება საერთაშორისო და ადგილობრივი დამკვირვებლების შეფასებებს, რომლის თანახმადაც, არჩევნები კონკურენტულ და სამართლიან გარემოში ჩატარდა, დარჩიაშვილი ამბობს საერთაშორისო დამკვირვებლებისთვის რთულია იმის გამოვლენა, თუ რა ხდებოდა წინასაარჩევნო პერიოდში და ხმების დათვლის დროს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა

დააკავეს ნაცისტურ-ფაშისტური იდეოლოგიის მქონე დაჯგუფების ერთ-ერთი ლიდერი - შსს

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა