პარლამენტის თავმჯდომარის დავით უსუფაშვილის განცხადებით, „ქართული ოცნების“ თავმჯდომარე გიორგი კვირიკაშვილზე და „ნაციონალური მოძრაობის“ ლიდერ დავით ბაქრაძეზე ძალიან ბევრია დამოკიდებული იმაში, თუ როგორ განვითარდება პოლიტიკური პროცესები ქვეყანაში.

ამიტომ, დავით უსუფაშვილი დავით ბაქრაძეს და გიორგი კვირიკაშვილს მიმართავს, ახლა მაინც, როცა საარჩევნო შედეგები ცნობილია და როცა 50-მდე საარჩევნო ოლქში „ქართული ოცნება“ და „ნაციონალური მოძრაობა“ ერთამენთის პირისპირ დადგებიან, სახელმწიფოებრივი მიდგომები გამოიჩინონ.

„მინდა მივმართო ორი გამარჯვებული პოლიტიკური ძალის - „ქართული ოცნებისა“ და „ნაციონალური მოძრაობის“ ლიდერებს, გიორგი კვირიკაშვილს და დავით ბაქრაძეს, მათზე პერსონალურად ძალიან ბევრია დამოკიდებული იმაში, თუ საით წავა ქვეყანა, როგორ განვითარდება პოლიტიკური პროცესები. მინდა მჯეროდეს, რომ მათ ექნებათ საქმიანი ურთიერთობა მიუხედავად იმისა, რომ ერთმანეთის მთავარი პოლიტიკური კონკურენტები არიან. მინდა მჯეროდეს, რომ  ეს კონკურენცია კანონის და ცივილიზებული ნორმის ფარგლებს არ გასცდება. ახლა მაინც, როცა წინასწარი არჩევნები შედეგები ცნობილია და როცა 50-მდე საარჩევნო ოლქში „ქართული ოცნება“ და „ნაციონალური მოძრაობა“ ერთმანეთის პირისპირ დადგება, გამოსაჩენია დიდი სიბრძნე, სახელმწიფოებრივი მიდგომები. მე ვიცნობ ორივეს და მჯერა, გიორგიც და დათოც გამონახავენ საკუთარ თავში იმ ძალას, რომელიც სრულიად აუცილებელია ქვეყნისთვის, რომ ეს არჩევნები დასრულდეს კონკურენტულ რეჟიმში, ოღონდ მშვიდობიანად“, - განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა

დააკავეს ნაცისტურ-ფაშისტური იდეოლოგიის მქონე დაჯგუფების ერთ-ერთი ლიდერი - შსს

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა