2016-10-08 16:51:42, 678 ნახვა
პოლიტიკა
ერთ-ერთ უბანზე რეგისტრატორი ბიულეტენს ყუას ისე ახევდა, რომ პაატა ბურჭულაძის პარტიის ნომერი არ ჩანდა
ცესკოს პრესსპიკერის ანა მიქელაძის განცხადებით, გავრცელდა ინფორმაცია, რომ გარდაბნის მუნიციპალიტეტის სოფელ ყარათაკლისში რეგისტრატორი ბიულეტენს ყუას ახევდა იმგვარად, რომ ამომრჩეველს არ ჰქონოდა შესაძლებლობა, მიეთითებინა ბიულეტენში ნომერი1.
მისივე თქმით, ცესკო-მ აღნიშნული ინფორმაცია გადაამოწმა და დაადგინა, მხოლოდ ერთ საარჩევნო უბანზე, ერთი რეგისტრატორის მიერ ბიულეტენის გაცემისას მართლაც შეცდომა იყო დაშვებული:
„შეცდომა იქნა დაშვებული რეგისტრატორის მიერ ბიულეტენის გაცემისას და საუბნო-საარჩევნო კომისიამ აღმოფხვრა აღნიშნული ხარვეზი. რეგისტრატორი ჩანაცვლდა სხვა კომისიის წევრი რეგისტრატორით“,-აღნიშნა ანა მიქელაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
