„მინდა „ქართული ოცნების“ აქტივისტებს მოვუწოდო, მაქსიმალურად ეცადონ, შეინარჩუნონ სიმშვიდე და ნუ ჩაიდენენ დანაშაულს“, - ამის შესახებ „ერთიანი ნაციონალური მოძრაობის“ წევრმა გიორგი ტუღუშმა  პარტიის ოფისში გამართულ პრესკონფერენციაზე განაცხადა.

„სულ ცოტა ხნის წინ, საბურთალოს მეექვსე ოლქში, 48-ე უბანზე, ჩვენი წარმომადგენელები, მამა-შვილი ირაკლი და მამუკა კურტანიძეები  ჯერ აიძულეს დაეტოვებინათ საარჩევნო უბანი, ხოლო ამის შემდეგ, როცა ისინი  საკუთარ საცხოვრებელ სახლთან მივიდნენ  თავს დაესხნენ პირები, რომლებიც რამდენიმე ავტომანქანით გადაადგილდებოდნენ. 20-მდე პირი  მამა-შვილს  ჯერ გამოელაპარაკნენ,  შემდეგ  კი, ფიზიკურად გაუსწორდნენ. ადგილზე ჩვენ მიერ გამოძახებულ იქნა საპატრულო პოლიცია და იმედს ვიტოვებთ, რომ ამ ფაქტს  სათანადო რეაგირება მოჰყვება“, - განაცხადა გიორგი ტუღუშმა.

ამასთან, მან ლაგოდეხში, სოფელ მაწიმში მომხდარ დარღვევაზე ისაუბრა,.

„მინდა „ქართული ოცნების“ აქტივისტებს მოვუწოდო,მაქსიმალურად ეცადონ შეინარჩუნონ სიმშვიდე და ნუ ჩიადენენ დანაშაულს.  ვგმობთ ყველა მსგავს ფაქტს და ძალადობას.  მნიშვნელოვანი დარღვევა მოხდა  ლაგოდეხის 26-ე ოლქის მეოთხე უბანზე. სოფელ მაწიმში, ამომრჩვლებმა მაჟორიტარული კანდიდატის საარჩევნო ბიულეტენში, ვერ აღმოაჩინეს ჩვენი კანდიდატი, რადგან ამ ოლქზე მიიტანეს  დუშეთის კუთვნილი ბიულეტენები. დუშეთი არის  ერთადერთი  საარჩევნო ოლქი, სადაც არ წარგვიდგენია კანდიდატი -5 ნომერი არ ფიგურირებს.  გამოვიდა, რომ 38 ადამიანმა ხმა  ლაგოდეხში დუშეთის ბოულეტენით მისცა.  რეალურად ლაგოდეხში 2013 წელს მოგებული გვაქვს საპრზიდენტო არჩევნები  და ძალიან კარგი შედეგი ვაჩვენეთ 2014 წლის თვითმმართველობის არჩვნებზე“, - განაცხადა ტუღუშმა და დასძინა, რომ აღნიშნულ უბანზე დარღვევის მიუხედავად კენჭისყრა მაინც გაგრძელდა.

მისივე თქმით, „მსგავსი მანიპულაციები „ქართულ ოცნებას“ ვერ წაეხმარება“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე Kordz-ის კონცერტის გაუქმებაზე: როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია

კალაძე რუსთაველის პროტესტის მონაწილეებს: როდესაც უცხო ქვეყნის წარმომადგენლები საკუთარი ინტერესების გასატარებლად, სამშობლოს წინააღმდეგ გიყენებენ - ძალიან მძიმეა

დევდორაკის ხეობაში მეწყერის საფრთხის დონე მოხსნილია, მუშაობა განაახლა გამშვებმა პუნქტმა დარიალმა

25 სექტემბრის მდგომარეობით, კახეთში გადამუშავებულია 60 ათასი ტონა ყურძენი