საქართველოს პარლამენტის თავმჯდომარის დავით უსუფაშვილის განცხადებით, ხვალინდელი არჩევნები განსაკუთრებულია იმითაც, რომ იგი უპრეცედენტო პოლიტიკური თავისუფლების პირობებში ტარდება.

როგორც უსუფაშვილმა დღეს გამართულ ბრიფინგზე აღნიშნა, მთავრობამ ბოლო წლების განმავლობაში სერიოზული ნაბიჯები გადადგა იმისათვის, რომ თითოეულ მოქალაქეს თავისუფალი არჩევანის გაკეთების საშუალება ჰქონოდა.

„მეტი თავისუფლება მეტი პასუხისმგებლობაცაა, ამიტომ, თავისუფალ არჩევანს ინდივიდუალური პასუხისმგებლობით უნდა მოვეკიდოთ. დარწმუნებული ვარ, მეტმა პოლიტიკურმა თავისუფლებამ შექმნა ის ვითარება, როდესაც მოქალაქეების სერიოზული ნაწილი ბოლო წუთამდე ვერ აკეთებდა თავის არჩევანს. დიახ, სწორია, ჩვენ ბევრი უნდა ვიფიქროთ. ჩვენ პასუხს ვაგებთ ჩვენს არჩევანზე. ხვალ ჭეშმარიტების საკითხი არ წყდება, ხვალ არ იქნება მართალი და მტყუანი, ამ პარტიის და იმ პარტიის მხარდამჭერი, ხვალ ყველა მართალი ვიქნებით, თუ საკუთარი სინდისის და გონების კარნახით გავაკეთებთ არჩევანს, ჩვენ ვიქნებით მართალი ერის და ღვთის წინაშე. ჩვენ ხვალ თავისუფალი არჩევანი მოგვეთხოვება და ეს არის სრული ჭეშმარიტება“, - განაცხადა უსუფაშვილმა.

მისივე თქმით, ძალიან მნიშვნელოვანია, რომ სახელმწიფო დაწესებულებებმა და არა მხოლოდ სამართალდამცავმა ორგანოებმა, პირუთვნელად და მიუკერძოებლად შეასრულონ თავიანთი კონსტიტუციური ფუნქცია.

„ემსახურონ საქართველოს, ქართულ სახელმწიფოს და არა რომელიმე პოლიტიკურ პარტიას, მის ლიდერს ან სხვა მოზაზრებას და ინტერესებს. თითოეული მათგანი, ვინც აღჭურვილია სახელმწიფო ძალაუფლებით, პოლიციელი იქნება თუ გამგებელი, თავისუფალია საკუთარ არჩევანში, როგორც ინდივიდი, მას აქვს საშუალება დააფიქსიროს საკუთარი არჩევანი, მაგრამ როდესაც ისინი ახორციელებენ საჯარო ძალაუფლებას, უნდა იყვნენ აუცილებლად მოწოდების სიმაღლეზე, აბსოლუტურად ნეიტრალურები და მიუკერძოებლები. ეს არის არსებითად მნიშნელოვანი დღეს, და ხვალ კიდევ უფრო მნიშვნელოვანი იქნება. ძალიან მნიშვნელოვანია ასევე, რომ ჩვენ, პირველ რიგში მოქალაქეებმა, ხალხმა, პირნათლად შევასრულოთ ჩვენი მოვალეობები“, - განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SpaceX-ის, Apple-ისა და Nvidia-ს ხელმძღვანელები ტრამპსა და სი ძინპინს ვახშამზე შეუერთდნენ

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის