„8 ოქტომბერს, სახელმწიფო ძალაუფლება ერთი დღით უკან გადაეცემა ქართველ ხალხს იმისათვის, რომ თავის ახალ რჩეულებს მიანდოს“, - ამის შესახებ პარლამენტის თავმჯდომარემ, დავით უსუფაშვილმა საგანგებო ბრიფინგზე განაცხადა.

მისი თქმით, ეს არის სახელმწიფოებრივი ცხოვრების უმნიშვნელოვანესი აქტი, რომლის მაღალ დონეზე განხორციელება თითოეული მათგანის ეროვნული თავმოყვარეობის საკითხია.

„ძვირფასო თანამოქალაქეებო, მოგმართავთ იმ პარლამენტის თავმჯდომარე, რომელიც ასრულებს თავისი საქმიანობის ოთხწლიან ვადას და სულ მალე, ამ შენობაში ადგილს დაუთმობს თქვენს მიერ არჩეულ ახალ პარლამენტს. ყველაფერი მზად არის იმისთვის, რომ ახლადარჩეულმა პარლამენტმა დაიწყოს მუშაობა და გააგრძელოს ქვეყნის აღმშენებლობა. ამასობაში დასასრულს უახლოვდება საკმაოდ ხანგრძლივი და დატვირთული წინასაარჩევნო კამპანია. უკიდურესად მნიშვნელოვანია, რომ ყველა ძირითადმა მოთამაშემ, ძირითადმა სუბიექტებმა ამ პროცესის მაღალ დონეზე, კანონის შესაბამისად და ჩვენი მდიდარი ეროვნული ტრადიციების შესაბამისად, თავი გავართვათ ამოცანებს. პირველ რიგში, აუცილებელია, რომ ყველა პოლიტიკურმა ლიდერმა, ყველა პოლიტიკურმა პარტიამ, ძალიან მკაფიოდ განაცხადოს, რომ იგი აღიარებს საარჩევნო ადმინისტრაციის მიერ შეჯამებულ შედეგებს. ეს არის ძალიან მნიშვნელოვანი და ჩვენ უპირობოდ შეგვიძლია ნდობა ქართული სახელმწიფოსი და საარჩევნო ადმინისტრაციის, ვინაიდან, ჩვენ ვხედავთ საქართველოში ძალიან მნიშვნელოვანი ნაბიჯები გადაიდგა წინ პოლიტიკური თავისულებისთვის და საარჩევნო დემოკრატიისთვის“, - განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია

ორწლიანი პაუზის შემდეგ თელ-ავივში მასშტაბური გეი აღლუმი გაიმართა