|
2016-10-05 15:14:50, 1747 ნახვა
ეკონომიკა
ანაკლიის პორტის პროექტში დასაქმებისათვის მოსახლეობის შრომითი რესურსის აღრიცხვა იწყება
შრომის, ჯანმრთელობისა და სოციალური დაცვის მინისტრმა დავით სერგეენკომ და „ანაკლიის განვითარების კონსორციუმის“ დამფუძნებელმა მამუკა ხაზარაძემ ანაკლიის პორტის მშენებლობის პროექტის ფარგლებში, ადგილობრივი მოსახლეობის დასაქმებასთან დაკავშირებით, ბრიფინგი გამართეს. ანაკლიის პორტის პროექტში მომავალი დასაქმების მიზნით, ადგილობრივი მოსახლეობის შრომითი რესურსის აღრიცხვა იწყება. ანაკლიის ღრმაწყლოვანი პორტის პროექტის პირველ ეტაპზე მოსახლეობა ძირითადად სამშენებლო სექტორში, სამომავლოდ კი, სხვადასხვა სფეროში დასაქმდება. მთლიანობაში, ანაკლიის ღმაწყლოვანი პორტის და თავისუფალი ინდუსტრიული ზონის მშენებლობისა და განვითარების 9 ფაზის განმავლობაში რამდენიმე ათასი ადამიანის დასაქმება იგეგმება, რომელთა 90% საქართველოს მოქალაქე იქნება. რამდენიმე ასეული ადამიანის დასაქმებაა გათვალისწინებული პროექტის საწყის-სამშენებლო სამუშაოების ეტაპზე, რომელთა დაწყება 2017 წლის ზაფხულისთვისაა დაგეგმილი. „ჩვენ გუშინ ხელი მოვაწერეთ სახელწმიფოსთან ანაკლიის ღრმაწყლოვანი პორტის საინვესტიციო ხელშეკრულებას მშენებლობასთან დაკავშირებით, რომლის წინამოსამზადებელი სამუშაოები უკვე დაწყებულია. ჩვენი ძირითადი კონტრაქტორი ჰოლანდიური კომპანია უკვე ადგილზეა, რამდენიმე გემი უკვე ჩამოსულია და დაიწყო კვლევითი სამუშაოები, გეოლოგიური, ბუნებისდაცვითი და ა.შ. 2017 წლის გაზაფხულიდან უკვე ფართომასშტაბიან მშენებლობას დავიწყებთ. ესაა პროექტი, რომელშიც რამოდენიმე ათასი ადამიანი დასაქმდება. შესაბამისად, გვინდა დავიჭიროთ თადარიგი და საქართველოს შრომისა და ჯანმრთელობის სამინისტროსთან ერთად, გავაფორმოთ ხელშეკრულება, შევთანხმდეთ იმაზე, რომ დაიწყება კადრების აღრიცხვა კვალიფიკაციის მიხედვით. 90% ქართველი მუშახელი იქნება. შესაბამისად, ამას წინასწარი მომზადება სჭირდება“,-განაცხადა მამუკა ხაზარაძემ. პროექტში დასაქმების მსურველთა მონაცემების შეგროვებას საქართველოს შრომის, ჯანმრთელობისა და სოციალური დაცვის სამინისტრო უზრუნველყოფს. ადამიანური რესურსის მონაცემთა ბაზას ის შემდგომში გადასცემს „ანაკლიის განვითარების კონსორციუმს“ და მის კონტრაქტორ კომპანიებს. დასაქმების მსურველებს საშუალება ექნებათ, სამინისტროს შრომის ბაზრის მართვის საინფორმაციო სისტემაში ინტეგრირებულ ვებ-პორტალზე-www.worKnet.gov.ge-ზე დარეგისტრირდნენ, ან სოციალური მომსახურების სააგენტოს ტერიტორიულ ერთეულებს მიაკითხონ. ამასთან, ანაკლიის განვითარების კონსორციუმი გეგმავს ანაკლიაში გადასამზადებელი-სასწავლო ცენტრის შექმნას, სადაც პორტის მშენებლობისა და განვითარების ეტაპებზე დასაქმების მსურველ მოსახლეობას უსასყიდლოდ შეეძლება, სხვადასხვა სფეროში კვალიფიკაცია აიმაღლოს. „ჩვენთვის უმნიშვნელოვანესია ის, რომ ეს იქნება გამორჩეული მოდელი კერძო და სახელმწიფო სექტორს შორის თანამშრომლობის, როდესაც საშუალება მოგვეცემა, მოვახდინოთ სამუშაოს მაძიებლთა მონაცემების გაცვლა, ასევე აშენდება მომზადების ცენტრი და იქნება ეფექტური ინსტრუმენტი იმისათვის, რომ ასეულობით და ათასეულობით ადამიანმა მიიღოს სამსახური, გაიუმჯობესოს თავისი პროფესიული კვალიფიკაცია“,-აღნიშნა დავით სერგეენკომ. ანაკლიის ღრმაწყლოვანი პორტი ანაკლიის მიმდებარე ტერიტორიაზე, 400 ჰექტარის ფართობის ტერიტორიაზე აშენდება. პორტის მშენებლობისა და განვითარების ღირებულება 2.5 მილიარდ აშშ დოლარს შეადგენს. წინასამშენებლო სამუშაოების დასრულება და პორტის მშენებლობის დაწყება 2017 წლიდან იგეგმება, ნავსადგური კი 2020 წელს გაიხსნება.
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
სასტუმროში მომხდარი დაპირისპირების საქმეზე სასამართლომ ექვსი პირი დამნაშავედ ცნო საზოგადოებრივი უსაფრთხოების დარღვევაში, პანიკის გავრცელებასა და ადამიანების სიცოცხლისთვის საფრთხის შექმნაში. თავდაპირველად თითოეულ მათგანს ექვსთვიანი პატიმრობა, 300 ათასი დირ
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



