12:53 - 17 Nov, 2026
ჩვენ შესახებ რეკლამა/ხელმოწერა
2016-10-04 17:30:19, 1345 ნახვა

პოლიტიკა ეკონომიკა
„საქართველო საბაჟო სფეროში თურქეთთან თანამშრომლობას აძლიერებს“

საქართველო საბაჟო სფეროში თურქეთთან თანამშრომლობას აძლიერებს, – ამის შესახებ  საქართველოს პრემიერ–მინისტრ გიორგი კვირიკაშვილისა და თურქეთის რესპუბლიკის საბაჟო საკითხთა და ვაჭრობის მინისტრის ბიულენთ თუფენქჯის შეხვედრაზე აღინიშნა.

როგორც "ექსპრესნიუსს" მთავრობის ადმინისტრაციის პრესსამსახურიდან აცნობეს, მხარეებმა ხაზი გაუსვეს  საქართველოსა და თურქეთს შორის გაფორმებული ერთობლივი დეკლარაციის მნიშვნელობას, რაც ითვალისწინებს საბაჟო სფეროში ორმხრივი თანამშრომლობის გაძლიერებას.

საქართველოს პრემიერ–მინისტრის განცხადებით, აღნიშნული დეკლარაცია  მნიშვნელოვანია ორმხრივი ვაჭრობის ხელშეწყობისთვის, საერთაშორისო ვაჭრობის პოპულარიზაციისა და რეგიონში უსაფრთხო მიწოდების ჯაჭვის უზრუნველსაყოფად.  მისივე თქმით, თითოეული ინფრასტრუქტურული პროექტის ეფექტურობა  სწორედ სასაზღვრო-საბაჟო პროცედურების მოქნილობაზეა დამოკიდებულია.

გიორგი კვირიკაშვილმა იმედი გამოთქვა, რომ აღნიშნული ინიციატივით ორივე ქვეყნის ბიზნესსექტორის წარმომადგენლებს მნიშვნელოვნად გაუმარტივდებათ ორმხრივი ვაჭრობა,  შეუმცირდებათ საბაჟო კონტროლის პროცედურები და ისარგებლებენ გამარტივებული პროცედურებით.

მხარეებმა ისაუბრეს სავაჭრო-ეკონომიკურ სფეროში არებულ პოტენციალზე. აღინინა, რომ თურქეთი საქართველოს მთავარი სავაჭრო პარტნიორია. საუბარი შეეხო საქართველოდან ექსპორტის გაზრდის შესაძლებლობებს.

მთავრობის ადმინისტრაციაში გამართულ შეხვედრას საქართველოს ფინანსთა მინისტრი ნოდარ ხადური და საქართველოს რკინიგზის გენერალური დირექტორი მამუკა ბახტაძე დაესწრნენ.

(NS)





ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
სასტუმროში მომხდარი დაპირისპირების საქმეზე სასამართლომ ექვსი პირი დამნაშავედ ცნო საზოგადოებრივი უსაფრთხოების დარღვევაში, პანიკის გავრცელებასა და ადამიანების სიცოცხლისთვის საფრთხის შექმნაში. თავდაპირველად თითოეულ მათგანს ექვსთვიანი პატიმრობა, 300 ათასი დირ
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics