,,სახელმწიფო ხელს შეუწყობს მოსწავლეების აქტივობებს, პროექტებს, გუნდური მუშაობისა და ლიდერისათვის დამახასიათებელი უნარ-ჩვევების გამომუშავებას, რაც შემდგომში სამოქალაქო საზოგადოების ჩამოყალიბების საწინდარი გახდება“ - განაცხადა საქართველოს განათლებისა და მეცნიერების მინისტრმა ალექსანდრე ჯეჯელავამ მარტვილის კულტურის სახლში პედაგოგებთან შეხვედრაზე, რომელსაც „ქართული ოცნება-დემოკრატიული საქართველოს“ მარტვილი-აბაშის მაჟორიტარი დეპუტატობის კანდიდატი ოთარ დანელია ესწრებოდა.

მინისტრმა ვრცლად ისაუბრა განათლების სისტემაში განხორციელებულ პროექტებზე და პედაგოგებს სამომავლო გეგმები გააცნო - ,,მომავალ წელს ავტობუსის მომსახურებით დამატებით 23 საჯარო სკოლა და 1500 მოსწავლე ისარგებლებს, გაგრძელდება სკოლების მშენებლობა, რეაბილიტაცია და სათანადო ინვენტარით აღჭურვა, სპორტული ინფრასტრუქტურის მოწყობა, ასევე დაინერგება თავისუფალი გაკვეთილები, რაც სწავლების ინოვაციური და კრეატიული საშუალება იქნება და სასკოლო ცხოვრების განუყოფელი ნაწილი გახდება“ - განაცხადა ალექსანდრე ჯეჯელავამ. მინისტრის თქმით 2017 წლის 1 იანვრიდან დაიწყება მასწავლებლების ხელფასის ზრდა, რაც 800-900 ლარს მიაღწევს.

მარტვილში ვიზიტის ფარგლებში ალექსანდრე ჯეჯელავა და მაჟორიტარი დეპუტატობის კანდიდატი ოთარ დანელია სოფელ ნაგებერაოს ახალი საჯარო სკოლის პროექტს გაეცნენ, თანამედროვე ინფრასტრუქტურით აღჭურვილი კერძო სკოლა ,,სხივი“ და სოფელ ნაგვაზაოს სასოფლო-სამეურნეო ტექნიკუმი დაათვალიერეს. აღნიშნული ტექნიკუმის სარეაბილიტაციო სამუშაოები 2017 წლიდან დაიწყება და ის რეგიონალური მნიშვნელობის იქნება.

საქართველოს განათლებისა და მეცნიერების მინისტრმა ალექსანდრე ჯეჯელავამ და „ქართული ოცნება-დემოკრატიული საქართველოს“ მარტვილი-აბაშის მაჟორიტარი დეპუტატობის კანდიდატმა ოთარ დანელიამ თანამედროვე ინფარასტრუქტურით აღჭურვილი კერძო სკოლა ,,სხივი“ დაათვალიერეს.

განათლებისა და მეცნიერების მინისტრმა ალექსანდრე ჯეჯელავამ და ,,ქართული ოცნება-დემოკრატიული საქართველოს“ მარტვილი-აბაშის მაჟორიტარი დეპუტატობის კანდიდატმა ოთარ დანელიამ სოფელ ნაგებერაოს მოსახლეობას ახალი საჯარო სკოლის პროექტი გააცნეს.

განათლებისა და მეცნიერების მინისტრი ალექსანდრე ჯეჯელავა და ,,ქართული ოცნება-დემოკრატიული საქართველოს“ მარტვილი-აბაშის მაჟორიტარი დეპუტატობის კანდიდატი ოთარ დანელია სოფელ ნაგვაზაოში სასოფლო-სამეურნეო ტექნიკუმის მდგომარეობას გაეცნენ, რომლის სარეაბილიტაციო სამუშაოებიც 2017 წლიდან დაიწყება. რეაბილიტირებული ტექნიკუმი რეგიონალური მნიშვნელობის გახდება.

განათლებისა და მეცნიერების მინისტრმა ალექსანდრე ჯეჯელავამ და „ქართული ოცნება-დემოკრატიული საქართველოს“ მარტვილი-აბაშის მაჟორიტარობის კანდიდატმა ოთარ დანელიამ აბაშის მე-2 საჯარო სკოლა მოინახულეს. „ყველა მასწავლებელი გმირია თუნდაც იმიტომ, რომ აირჩია ეს პროფესია. მე ვიქნები ყველა მასწავლებლის დამფასებელი. გახსნილი კომუნიკაცია არის ჩვენი რეფორმის დასაყრდენი. ვფიქრობ, რომ რამდენიმე წელიწადში თვისობრივად განსხვავებული ვითარება გვექნება განათლების სფეროში“-განაცხადა საქართველოს განათლებისა და მეცნიერების მინისტრმა ალექსანდრე ჯეჯელავამ აბაშაში პედაგოგებთან შეხვედრაზე, რომელსაც „ქართული ოცნება-დემოკრატიული საქართველოს“ მარტვილი-აბაშის მაჟორიტარი დეპუტატობის კანდიდატი ოთარ დანელია ესწრებოდა. ალექსანდრე ჯეჯელავამ პედაგოგებს განათლების სისტემის სამომავლო გეგმები გააცნო და ზოგადი განათლების სფეროში მიმდინარე პროცესებზე პედაგოგთა მოსაზრებები მოისმინა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ