მერაბ ჭიქაშვილი აბესაძის 21#-ში მცხოვრები მოსახლეობის პრობლემებს გაეცნო

2016-10-03 17:51:02, 829 ნახვა

პოლიტიკა

„ირმა ინაშვილი, დავით თარხან-მოურავი, საქართველოს პატრიოტთა ალიანსი, გაერთიანებული ოპოზიციის წევრი, კრწანისის მაჟორიტარი დეპუტატობის კანდიდატი მერაბ ჭიქაშვილი გია აბესაძის 21 ნომერში მცხოვრებ მოსახლეობას შეხვდა.

ჭიქაშვილი ადგილზე მათ პრობლემებს გაეცნო.

როგორც მან ჟურნალისტებთან საუბარში აღნიშნა, აბესაძის 21 ნომერში მცხოვრები მოსახლეობა სიკვდილ-სიცოხლის ზღვარზე იმყოფება.

მისივე განმარტებით, აბესაძის 21 ნომერში მდებარე სახლები რეაბილიტაციას არ ექვემდებარება, რის გამოც მათ სიცოცხლეს საფრთხე ემუქრება.

ჭიქაშვილმა კრწანისის გამგეობას და დედაქალაქის მთავრობას გონივრული და ეფექტური ნაბიჯის გადადგმისკენ მოუწოდა.

„ჩვენ ახლა ვიმყოფებით აბესაძის 21 ნომერში, კრწანისის რაიონში. ის რაც აქ ხდება ეს არის 21-ე საუკუნის ტრაგედია. აქ მცხოვრები ადამიანები ყოველ დღე სიკვდილ-სიცოცხლის ზღვარზე იმყოფებიან. კრწანისის რაიონში ძალიან ბევრი სახლი უკვე დანგრეულია, ნაწილი კი დანგრევის პირას არის. ეს არის მორიგი უბანი, სახლი, რომელიც რეაბილიტაციას არ ექვემდებარება.

სახელმწიფოს მარტივი გამოსავალია,რომ ასეთი ტიპის სახლებს ისტორიული ძეგლის სტატუსი მიანიჭოს, რაც ნიშნავს იმას, რომ ამ ადამიანებს, რომლებიც აქ ცხოვრობენ, საბოლოოდ ხელ-ფეხი ეკვრებათ. მათ აღარაფრის გაკეთება არ შეუძლიათ. ნაწილი ქირით არის გასული. ამაში კი მთავრობა მილიონობით ფულს ყრის. სახლები კი არ შენდება, არც რეაბილიტაცია ხდება. ამ საცხოვრებლის ფასადი, რომ შეიღებოს, ეს იმას არ ნიშნავს, რომ მოხდა მისი რეაბილიტაცია.ეს ხალხი ცხოვრობს ისტორიულ ნანგრევებში, აქ არანაირი უსაფრთხოების ზომები დაცული არ არის. კრწანისის გამგეობას და დედაქალაქის მთავრობას მოვუწოდებ გონივრული და ეფექტური დახმარება გაუწიოს ამ ხალხს. მათ არა სიტყვიერი, არამედ ეფექტური დახმარება სჭირდებათ. გაუგებარია, თუ რესტავრირებას არ ექვემდებარება, რატომ უნდა მიანიჭო მას ისტორიული ძეგლის სტატუსი“,-განაცხადა ჭიქაშვილმა.