საქართველოს პოლიტიკის ინსტიტუტმა (GIP) 22-29 სექტემბერს  მოახლოებული საპარლამენტო არჩევნების სავარაუდო შედეგების შესახებ  ექსპერტთა გამოკითხვა ჩაატარა.

მათი ინფორმაციით, სულ  საქართველოს საარჩევნო და პარტიულ სფეროებზე მომუშავე 33 ქართველი და უცხოელი ექსპერტი გამოიკითხა.

კვლევის ინტერესის  მთავარი საგანი იყო, თუ ხმების რამდენ პროცენტს მიიღებენ ძირითადი პარტიები არჩევნებზე და რამდენად მაღალი იქნება ამომრჩევლის დასწრება.

ექსპერტთა გამოკითხვის შედეგები ასეთია:

ქართული ოცნება 30-42%; ერთიანი ნაციონალური მოძრაობა 19-32%; სახელმწიფო ხალხისათვის 6-12%; პატრიოტთა ალიანსი 3-10%; თავისუფალი დემოკრატები 4-9%; რესპუბლიკური პარტია 2-7%; დემოკრატიული მოძრაობა 2-6%; ლეიბორისტული პარტია 1-5%

 ზემოთ მოყვანილი მონაცემები წარმოადგენს გამოკითხვის გაანალიზებულ და შესაბამისი მეთოდოლოგიით გაფილტრულ და დაჯამებულ შედეგებს, ამასთან, კვლევის შედეგები არ მოიცავს ზუსტ რიცხვებს, არამედ წარმოდგენილია ე.წ.  „შესაძლებლობათა კორიდორის“ სახით, რაც მოიცავს შედეგების შესაძლო ცდომილებას არჩევნების რეალურ შედეგებთან მიმართებაში.

„ასევე უნდა აღინიშნოს, რომ კვლევის შედეგები ეხება მხოლოდ პროპორციულ არჩევნებში მიღებული ხმების პროცენტულ რაოდენობას და არ მოიცავს მაჟორიტარულ არჩევნებს, რომელმაც შესაძლოა საბოლოოდ გადაწყვიტოს ახალი საპარლამენტო უმრავლესობის ბედი“,-განმარტავენ საქართველოს პოლიტიკის ინსტიტუტში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ