"ერთიანი ნაციონალური მოძრაობის" წევრის ნუგზარ წიკლაურის განცხადებით, ბიძინა ივანიშვილს უკვე 9 დღის შემდეგ არავიზე ზრუნვა აღარ მოუწევს, ვინაიდან 8 ოქტომბრის არჩევნებზე მისი მმართველობა დასრულდება.

ამის შესახებ წიკლაურმა "ექსპრესნიუსთან" ბიძინა ივანიშვილის განცხადების კომენტირებისას აღნიშნა, რომლის თანახმადაც, ""ნაციონალური მოძრაობის" წევრები ჩვენი თანამოქალაქეები არიან და ვალი გვაქვს, მათზეც ვიზრუნოთ"

"მემგონი, ბიძინა ივანიშვილს არავიზე ზრუნვა არ მოუწევს უკვე  9 დღის შემდეგ,  მისი მმართველობა დასრულდება 8 ოქტომბერს. ის ხელისუფლება, რომელსაც ქართველი ხალხი აირჩევს, იზრუნებს, რა თქმა უნდა, თავის მოქალაქეებზე.  თუ როგორ იზრუნა მან საქართველოს მოქალაქეებზე, ძალიან კარგად გამოჩნდა გასული 4 წლის განმავლობაში. წინა 4 წელი  აღნიშნულია პოლიტიკური დევვნით, მოქალაქეების მოტყუებით, მათი იმედების გაცრუებით  და ანგარიშმიუცემელი კორუფციით, რომელიც არის სახელმწიფო უწყებებში.  ყველაფერ ამის კვალი ძალიან კარგად ჩანს ჩვენს ქალაქებში, ჩვენს სოფლებში, მოუწესრიგებელ ინფრასტრუქტურაში და ქვეყნის უკუსვლაში. ამიტომ, მისი ზრუნვა  არავის აღარ სჭირდება და  ქართველი ხალხი  8 ოქტომბრის არჩევნებზეამ ვერდიქტს გამოიტანს",-განმარტა  ნუგზარ წიკლაურმა.

შეგახსენებთ, დღეს ყოფილმა პრემიერმა ბიძინა ივანიშვილმა განაცხადა, რომ "ნაციონალური მოძრაობა" საზოგადოების ნაწილია და არ უნდა ჰქონდეთ განცდა, რომ ისინი უნდა ჩაქოლონ.

ივანიშვილის თქმით, ყველაფერი უნდა გაკეთდეს, რომ "ნაციონალურმა მოძრაობამ" კანონის უზენაესობა აღიაროს.

"არ იფიქროთ, რომ ჩვენ უარი უნდა ვთქვათ ჩვენს თანამოქალაქეებზე. "ნაციონალური მოძრაობის" წევრები ჩვენი თანამოქალაქეები არიან და ჩვენ ვალი გვაქვს, მათზეც ვიზრუნოთ. უამრავი მეთოდი არსებობს, რომ კაცის მკვლელებსაც ცდილობენ, გამოიყვანონ და საზოგადოების წევრებად გახადონ.  "ნაციონალური მოძრაობა" საზოგადოების ნაწილია და ნუ გექნებათ განცდა, რომ ისინი უნდა ჩავქოლოთ, ან რაღაც უბედურება დავმართოთ. ყველაფერი უნდა გავაკეთოთ, რომ მათ კანონის უზენაესობა აღიარონ, რომ სახელმწიფოებრიობა აღიარონ და დაემორჩილონ ამას. ეს მოხდება არჩევნების მერე", - განაცხადა ბიძინა ივანიშვილმა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ