2016-09-27 18:34:52, 600 ნახვა
საზოგადოება
გვარამია: ჩემზე და ჩემს თანამშრომლებზე არსებობს აუდიომასალა და ივანიშვილი თავად წყვეტს, რა და როგორ გავიდეს
ჩემზე და ჩემს თანამშრომლებზე არსებობს აუდიომასალა და ივანიშვილი თავად წყვეტს, რა და როგორ გავიდეს, - ამის შესახებ სამაუწყებლო კომპანია "რუსთავი 2"-ის გენერალურმა დირექტორმა ნიკა გვარამიამ საგანგებო პრესკონფერენციაზე განაცხადა.
მისი განცხადებით, "რუსთავი2"-ის თანამშრომლების აუდიოჩანაწერები არსებობს, რომლის გამოქვეყნებასაც ხელისუფლება გეგმავს. გვარამია ამბობს, რომ ჩანაწერები სახელმწიფო უსაფრთხოების სამსახურის მიერ არის გაკეთებული.
"ჩემი ინფორმაციით, არსებობს უამრავი აუდიომასალა პირადად ჩემზე და ჩვენს თანამშრომლებზე. ეს არის ჩაწერილი რამდენიმე დისკზე სუს-ის მიერ და ბიძინა ივანიშვილთან არის ატანილი, რომელიც წყვეტს, რა და როგორ გავიდეს," - აცხადებს გვარამია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
