სამხრეთ ოსეთის ე.წ. პარლამენტმა  ე.წ.  საგარეო საქმეთა მინიsტრ დავიდ სანაკოევს  უნდობლობა გამოუცხადა.

ამის შესახებ ინფორმაციას სააგენტო „ტასს“-ი ავრცელებს.

მათივე ცნობით, აღნიშნული გადაწყვეტილება მინისტრის არაეფექტურმა მუშაობამ გამოიწვია.

ე.წ მინისტრის გადადგომის მოთხოვნით დოკუმენტი სამხრეთ ოსეთის ე.წ პრეზიდენტ ლეონიდ თიბილოვს  უახლოეს დღეებში გადაეგზავნება.

კონსტიტუციის თანახმად ე.წ. პრეზიდენტს აქვს უფლებამოსილება, რომ ე.წ. საგარეო საქმეთა მინისტრს თანამდებობდა დაატოვებინოს, ან პარლამენტის გადაწყვეტილებას არ დაეთანხმოს.

თუმცა, თუ ორი თვის განმავლობაში დეპუტატები სამხრეთ ოსეთის ე.წ. საგარეო საქმეთა  მინისტრს  უნდობლობას მეორედ გამოუცხადებენ, მაშინ პრეზიდენტი ვალდებული იქნება მინისტრს თანამდებობა დაატოვებინოს.

უნდობლობა დავით სანაკოევს 19-მა დეპუტატმა გამოუცხადა, მათგან ყველა ფრაქცია „ერთიანი ოსეთი“-ს წევრია. ინიციატივის წინააღმდეგი კი, ათი დეპუტატი იყო.

სამხრეთ ოსეთის ე.წ. პარლამენტში 34 დეპუტატია, გადაწყვეტილების მისაღებად კი, ხმათა უმრავლესობაა საჭირო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Global Finance: საქართველოს ბანკი რეგიონში საუკეთესო სამომხმარებლო ციფრული ბანკია ონლაინ პროდუქტების შეთავაზების და დაკრედიტების მიმართულებით

შენი ავტოსაჭიროებები ერთ სივრცეში - მობაილბანკში ავტო კომფორტი განახლდა

რა იცვლება დაგროვებითი პენსიის შესახებ კანონში

81 ათასი ოჯახი ქონების გადასახადს აღარ გადაიხდის - შემოსავლების სამსახურის უფროსი