დღევანდელი გადმოსახედიდან, მივესალმებოდი ღარიბაშვილის საპრეზიდენტო არჩევნებში ჩართულობას, - ამის შესახებ საქართველოს ყოფილმა პრემიერ-მინისტრმა ბიძინა ივანიშვილმა განაცხადა.

როგორც ექს-პრემიერმა აღნიშნა, საპრეზიდენტო არჩევნებამდე ჯერ კიდევ დიდი დროა დარჩენილი და ამაზე საუბარი ნაადრევია.

"საპრეზიდენტო არჩევნები ჯერ კიდევ შორს არის, თუმცა თუ ღარიბაშვილი მონაწილეობას მიიღებს, რატომაც არა. ეს არის ჩემი პოზიცია. თუმცა ამ თემასთან დაკავშირებით არავისთან მსჯელობა არ  მქონია. მათ შორის არც თვითონ ირაკლისთან არ მქონია ამაზე საუბარი.  ირაკლის შეუძლია, საქართველოს პოლიტიკაში მნიშვნელოვანი როლი ითამაშოს, უახლოეს მომავალშიც და უფრო შორსაც. ახალგაზრდა კაცია, ვფიქრობ, რომ ძალიან ღირსეულად მოემსახურა საკუთარ ქვეყანას და ასევე ღირსეულად წავიდა. წავიდა როგორც გამარჯვებული კაცი და არა როგორც დამარცხებული. მაგრამ 2 წელი ჯერ კიდევ წინ არის და ეს დიდი დროა. დაველოდოთ მოვლენებს, შეიძლება ირაკლიმ იქამდეც მოისურვოს გამოჩენა", - განაცხადა ივანიშვილმა.

ყოფილი პრემიერის თქმით, ირაკლი ღარიბაშვილთან ახლო ურთიერთობა დღემდე შემორჩა და ერთამენთს ხშირად კითხულობენ.

"ერთმანეთს ძალიან ხშირად ვკითხულობთ. ჩვენ მეუღლეებსაც აქვთ ურთიერთობა ერთმანეთთან. ჩემმა მეუღლემ ბავშვი მონათლა რამდენიმე დღის წინ და იქაც შევხდით ერთმანეთს. ჩემი ბერაც არის ირაკლის ერთ-ერთი ბავშვის ნათლია", - აღნიშნა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ