გაეროს გენერალური ასამბლეის ფარგლებში საქართველოს საგარეო საქმეთა მინისტრმა მიხეილ ჯანელიძემ მონაწილეობა მიიღო გერმანიისა და შვეიცარიის მთავრობების მიერ ორგანიზებულ მაღალი დონის ღონისძიებაში "კონფლიქტების პრევენცია ადამიანის უფლებების პრინციპების დაცვის გზით".

საქართველოს საგარეო საქმეთა მინისტრმა ღონისძიების მონაწილეებს გააცნო აფხაზეთისა და ცხინვალის ოკუპირებულ რეგიონებში ადამიანის უფლებების დაცვის მხრივ შექმნილი რთული ვითარება.

მისი განცხადებით საქართველოს ოკუპირებულ რეგიონებში ყოველდღიურად ადგილი აქვს ფუნდამენტური უფლებების დარღვევას, ხელოვნური ბარიერების აღმართის გზით თავისუფალი გადაადგილების, საკუთრების უფლებების დარღვევის, მშობლიურ ენაზე განათლების მიღების უფლებების ხელყოფას, ისევე როგორც მოსახლეობის გატაცების და თავისუფლების უკანონოდ აღკვეთის ფაქტებს.

მინისტრმა განსაკუთრებული ყურადღება გაამახვილა ოკუპირებულ ტერიტორიებზე საერთაშორისო მექანიზმების არარსებობის ფაქტზე, რაც კიდევ უფრო ართულებს იქ მყოფი მოსახლეობის უფლებების მდგომარეობის მონიტორინგს.

 მისი განცხადებით არსებული სურათის გათვალისწინებით აუცილებელია საერთაშორისო თანამეგობრობამ მიმართოს ერთიანი ძალისხმევა ადამიანის უფლებების დაცვის უზრუნველსაყოფად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს: დარიალზე რჩება 17 პირი, უკრაინულ მხარესთან მათ სამშობლოში დაბრუნებაზე ვმუშაობთ

ბრიტანეთის თავდაცვის მინისტრი გადადგა

საქართველოს ბანკის მხარდაჭერით, ვორკშოპი „SME ლიდერობა: სწრაფი ნაბიჯებით, დიდ გზაზე“ გაიმართა

მარკუს ლამერტი: ვიზების შეზღუდვები გამოწვეულია საქართველოს მიერ ევროკავშირის წინაშე აღებული ვალდებულებების დარღვევით