„ქართული ოცნება -დემოკრატიული საქართველოს“ ახმეტის მაჟორიტარი დეპუტატობის კანდიდატი გელა სამხარაული ოჟიოს, კოღოთოსა და ალავერდის ამომრჩევლებს შეხვდა. ყურადღება გამახვილდა, როგორც გლობალურად სხვადასხვა სფეროში მიმდინარე პროგრამებზე, ასევე იმ ლოკალურ ინფრასტრუქტურულ პროექტებზე, რომლებიც სოფლების მასშტაბით განხორციელდა.

 „მესმის, რომ პრობლემები ჯერ კიდევ არსებობს, მაგრამ შედეგი აუცილებლად დადგება. მთავარია კომუნიკაციას აქტიური ფორმა მივცეთ, რომ ადგილზე არსებულ გამოწვევებს უფრო ეფექტურად გავუმკლავდეთ და საკითხების ნორმალიზება მოსახლეობის ინტერსების შესაბამისად მოხდეს “,- განაცხადა გელა სამხარაულმა.

 დეპუტატობის კანდიდატმა განმარტებები  სოციალურ დახმარებებთან დაკავშირებითაც გააკეთა.

 „შემწეობის დანიშვნის საკითხი პოლიტიკური კონტექსტიდან გამოვიდა და ახლა მეტ დახმარებას იღებენ ისინი, ვისაც ეს რეალურად სჭირდება, მაშინ, როცა წინა წლებში დახმარების მიმღებთა ოდენობა მხოლოდ წინასაარჩევნო პერიოდში იზრდებოდა. ეს მონაცემები კიდევ ერთხელ გადაიხედება და სტატუსის დაკარგვის მიზეზები საფუძვლიანად განიხილება. არც ერთი სიღარიბის ზღვარს ქვემოთ მყოფი მოქალაქე დახმარების გარეშე არ დარჩება. ამ ადამიანებზე ზრუნვა და მათი ცხოვრების პირობების გაუმჯობესება ჩვენი ერთ- ერთი პრიორიტეტია. ზოგადად სოციალური დაცვის პროგრამების ბიუჯეტი 62,1%-ით, 1 401 8333 500-დან 2 273 000 000-მდე გაიზარდა“,-განაცხადა გელა სამხარაულმა.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება

აპრილში საქართველოსთვის ფულადი გზავნილების ძირითად წყაროს ევროკავშირის ქვეყნები და აშშ წარმოადგენდა