არავის აქვს უფლება, მომაყენეს პირადი შეურაცხყოფა და სცადოს ამომრჩევლის მოტყუება. ბიძინა ივანიშვილმა საკუთარი თავი ამხილა, ის არის მატყუარა და მოვითხოვ მისგან საჯარო ბოდიშის მოხდას, - ამის შესახებ მოძრაობა "სახელმწიფო ხალხისთვის" ლიდერმა პაატა ბურჭულაძემ დღეს გამართულ პრესკონფერენციაზე განაცხადა.

როგორც ბურჭულაძემ ჟურნალისტებს განუცხადა, მის პარტიაზე სისტემატიური ზეწოლა ხორციელდება. მისივე თქმით ზეწოლა ხორციელდება არა მხოლოდ პარტიის წევრებზე არამედ მათ მხარდამჭერებზეც.

"ზეწოლა არის მთავრობის და სუს-ის მხრიდან, ამაში ბიძინა ივანიშვილის ინტერესებს ვხედავ, რადგან ივანიშვილი არის მთავრობა", - განაცხადა ბურჭულაძემ.

ამასთან, "სახელმწიფო ხალხისთვის" ლიდერმა აღნიშნა, რომ ყოფილი პრემიერ-მინისტრის განცხადებები არის სრული სიცრუე და ივანიშვილს ხალხი შეცდომაში შეჰყავს.

"ივანიშვილმა დამაბრალა თითქოს თანადგომა მთხოვა, რის სანაცვლოდ დიდი ფული მოვითხოვე, რაც სრული სიცრუეა. საქმე გვაქვს ადამიანთან, რომელსაც შეუძლია ასე უტიფრად მოატყუოს ხალხი. ეს კაცი დღეს ჩვენ გვიხსნის და გვინიშნავს პრემიერებს. მოვითხოვ ივანიშვილმა საჯაროდ ბოდიში მოიხადოს, რადგან ყველაფერი რაც თქვა არის აბსოლუტური სიცრუე. ნუ შეჰყავს ხალხი შეცდომაში", - აღნიშნა პაატა ბურჭულაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წიგნების ჩალაგება დავიწყე - ვუჩიჩმა მალე გადადგომის შესახებ განაცხადა

ქსირმა პირობა დადო, რომ ახლო აღმოსავლეთს აშშ-სთვის „ჯოჯოხეთად“ გადააქცევს

პაპმა ლეომ ბარსელონას საკათედრო ტაძარში იესო ქრისტეს კოშკი აკურთხა

აშშ-მ ირანი დაბომბა