რაიონული, საქალაქო და სააპელაციო სასამართლოების ადმინისტრაციულ საქმეთა კოლეგიის 80-მდე მოსამართლე საარჩევნო ადმინისტრაციის ხელმძღვანელ პირებთან და საერთაშორისო ექსპერტებთან ერთად საარჩევნო საკითხებს განიხილავენ. ორდღიანი სამუშაო შეხვედრა დღეს უზენაესი სასამართლოს თავმჯდომარე ნინო გვენეტაძემ, ცენტრალური საარჩევნო კომისიის თავმჯდომარე თამარ ჟვანიამ და საარჩევნო სისტემების საერთაშორისო ფონდის (IFES) ხელმძღვანელმა ნერმინ ნისიჩმა გახსნეს.  

საარჩევნო დავები, ადმინისტრაციული რესურსების გამოყენება საარჩევნო პროცესში, საარჩევნო კანონმდებლობის სიახლეები - ეს ის თემებია, რომლებსაც სამუშაო შეხვედრის მონაწილეები ცესკოს იურიდიული დეპარტამენტის ხელმძღვანელ პირებთან, მოსამართლეებთან და საარჩევნო სისტემების საერთაშორისო ფონდის წარმომადგენლებთან ერთად განიხილავენ. საარჩევნო დავების განხილვის ევროპულ სტანდარტებს, აგრეთვე საარჩევნო პროცესში ადმინისტრაციული რესურსების არასათანადო გამოყენების პრევენციისა და შესაბამისი რეაგირების საერთაშორისო სტანდარტებს კი შეხვედრის მონაწილეებს ვენეციის კომისიის ექსპერტი სერჰი კალჩენკო აცნობს.

ორდღიან შეხვედრას ცენტრალური საარჩევნო კომისია საქართველოს უზენაეს სასამართლოსთან ერთად, საარჩევნო სისტემების საერთაშორისო ფონდის (IFES) და ევროსაბჭოს ვენეციის კომისიის მხარდაჭერით და თანადაფინანსებით ახორციელებს. შეხვედრას, რომელიც სასტუმრო „ამბასადორი კაჭრეთში“ იმართება, ორგანიზება ცესკოს იურიდიულმა დეპარტამენტმა გაუწია. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით