კორცხელის ინციდენტიდან 2 თვე გავიდა და დამნაშავეთა დასჯა არ მომხდარა.  სანამ მკაცრად არ დასჯიან თავისიანს, სამართლიანობის აღდგენა არ დაიწყება, - ასე გამოეხმაურა ექსპერტი პოლიტიკის საკითხებში სოსო ცინცაძე გუშინ სოფელ გამარჯვებაში „ნაციონალებსა“ და „ქართული ოცნების“ წევრებს შორის დაპირისპირებას.

ამასთან, „ექსპრესნიუსთან“ საუბრისას ცინცაძემ აღნიშნა, რომ მთელი 4 წელი „ოცნების“ წარმომადგენლები „ნაციონალებსა“ და მათ მხარდაჭერებს, იგივე თვითმმართველობის არჩევნებში, ფიზიკურად უსწორდებოდნენ, ფანჯრებიდან ყრიდნენ და ა.შ. „ქალბატონი მანანა კობახიძე და სხვები კი, გამოდიოდნენ და ამბობდნენ, რომ ამ ფაქტების წინააღმდეგები იყვნენ, მაგრამ მოძალადეებისაც ესმოდათ. ეს ყველაფერი ძალადობის გამართლება იყო.“

„მე არ გამიკვირდება, რომ „ქართული ოცნების“ წარმომადგენელი გამოვიდეს და თქვას, რომ „ნაციონალებმა“ ერთმანეთი სცემეს, რათა ეს მმართველ გუნდს დაბრალებოდა. მთელი 4 წელი „ოცნების“ წარმომადგენლები „ნაციონალებსა“ და მათ მხარდაჭერებს, იგივე თვითმმართველობის არჩევნებში, ფიზიკურად უსწორდებოდნენ, ფანჯრებიდან ყრიდნენ და ა.შ.  ქალბატონი მანანა კობახიძე და სხვები გამოდიოდნენ და ამბობდნენ, რომ ამ ფაქტების წინააღმდეგები იყვნენ, მაგრამ მოძალადეებისაც ესმოდათ. ეს ყველაფერი ძალადობის გამართლება იყო. მადლობა ღმერთს, რომ ეს მკვლელობები არ არის. ელემენტარულად, კორცხელის ინციდენტიდან 2 თვე გავიდა და დამნაშავეთა დასჯა არ მომხდარა. ყველაფერზე ამბობენ, რომ „ოცნების“ წარმომადგენლები პროვოკაციაზე წამოაგეს. ეგრე პროვოკაციაზე 2008 წელს მიშაც წამოაგეს. თუმცა, ამას ვინმე ამართლებს? ამიტომ, სანამ მკაცრად არ დასჯიან თავისიანს, სამართლიანობის აღდგენა არ დაიწყება. მე პრემიერს ვურჩევდი ჯერ  2-3 კორუმპირებული და დამნაშავე თავისიანი დაიჭირონ და მერე ექნებათ ნდობა. ვინმე თავისიანი დაიჭირეს? ყოველთვის ამბობენ, რომ რა ვქნათ, ეს ხალხის ნებაა. ხალხს რომ ბრბოდ აქცევ, ის ხალხი არ არის. როდესაც „ოცნების“ აქტივისტი „ნაციონალს“ ცემს და იქ ვინმე პატარა უფროსი შეაქებს, ეს არის უბედურება. ნდობის ფაქტორი გაქრა - მალე პრემიერსაც აღარ გამოუცხადებენ ნდობას“, - განაცხადა ცინცაძემ.

 ცნობისთვის, გუშინ ნუგზარ წიკლაურმა ბრიფინგზე აღნიშნა, რომ „ქართული ოცნების“ აქტივისტები თავს დაესხნენ შტაბის თანამშრომელს და ადგილზე ნაცემია ორი ადამიანი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით