|
2016-09-15 19:22:51, 1442 ნახვა
ეკონომიკა
ფინანსთა მინისტრმა აშშ-ში ორმხრივი შეხვედრები გამართვა
ამერიკის შეერთებულ შტატებში ვიზიტის ფარგლებში, საქართველოს ფინანსთა მინისტრი ნოდარ ხადური საერთაშორისო სავალუტო ფონდის განმკარგულებელი დირექტორის მოადგილეს, ტაო ჟანგს (Tao Zhang) შეხვდა. მხარეებმა იმსჯელეს საქართველოსა და საერთაშორისო სავალუტო ფონდს შორის მიმდინარე და მომავალი თანამშრომლობის საკითხებზე. შეხვედრაზე ფინანსთა მინისტრმა ისაუბრა ქვეყნაში მიმდინარე პოლიტიკურ და ეკონომიკურ პროცესებზე, მთავრობის მიერ განხორციელებულ და დაგეგმილ რეფორმებზე. ბატონმა ჟანგმა დააფიქსირა საქართველოსადმი სსფ-ის მხარდაჭერა გამოწვევებთან ბრძოლის გზაზე და ახალი რეფორმების გატარების პროცესში. აღსანიშნავია, რომ საქართველოს ფინანსთა მინისტრი ნოდარ ხადური, პირველი მინისტრია, ვისაც საერთაშორისო სავალუტო ფონდის ახლადდანიშნული განმკარგულებელი დირექტორის მოადგილე ბატონი ტაო ჟანგი შეხვდა. შეხვედრას ქართული მხრიდან, ასევე, დაესწრნენ ფინანსთა მინისტრის მოადგილე დავით ლეჟავა, ეკონომიკისა და მდგრადი განვითარების მინისტრის მოადგილე ნიკოლოზ გაგუა, აშშ-ში საქართველოს საელჩოს დესპანი გიორგი ციკოლია. საქართველოსა და მსოფლიო ბანკის თანამშრომლობის საკითხები განიხილეს ფინანსთა მინისტრმა, ნოდარ ხადურმა და მსოფლიო ბანკის ვიცეპრეზიდენტმა, სირილ მიულერმა. მხარეებმა იმსჯელეს საქართველოში მსოფლიო ბანკის მიერ მხარდაჭერილი პროექტების მიმდინარეობაზე, აგრეთვე, ქვეყანაში სტრუქტურული რეფორმების გაგრძელების მნიშვნელობაზე. ფინანსთა მინისტრმა და მსოფლიო ბანკის ვიცეპრეზიდენტმა საქართველოსა და მსოფლიო ბანკს შორის არსებული თანამშრომლობა სამაგალითოდ შეაფასეს და მისი შემდგომი გაღრმავების იმედი გამოთქვეს.
რესპუბლიკელები რუსეთთან საბრძოლველად 300 მილიონი დოლარის გამოყოფას ითხოვენ
დაკავებულია პირი, რომელმაც ყოფილი მეუღლის მკვლელობა განიზრახა და ნაცნობს 25 000 დოლარის სანაცვლოდ, ქილერის მოძიება დაავალა
ევროკავშირის HICP მეთოდოლოგიით დათვლილი წლიური ინფლაცია საქართველოში 5.7%-ის ფარგლებში ფიქსირდება
პაპუაშვილი – ბათუმის პროცესი მართლაც იქცა ქართულ ნიურნბერგის პროცესად
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



