სამწუხაროდ "ქართულ ოცნებას" არ ჰყავს ალტერნატივა და საქართველოში არ არსებობს პოლიტიკური ძალა, რომელსაც შეიძლება ქვეყანა ვანდოთ, - ამის შესახებ საქართველოს ყოფილმა პრემიერმა, ბიძინა ივანიშვილმა რაჭაში, მოსახლეობასთან შეხვედრისას განაცხადა.

მისი თქმით, შემდგომი 4 წელიწადი დემოკრატიის გამყარებას შეუწყობს ხელს.

"უკვე 8 წლის შემდგომ ჩვენ დავემსგავსებით ევროპას და ეკონომიკური თვალსაზრისით გავძლიერდებით. შემდგომი 4 წელიწადი იქნება ძალიან საინტერესო. მე ვისურვებდი, რომ შემდგომ არჩევნებზე, გამოვიდე და 3-4 პარტია დავასახელო და ვთქვა, ამ პარტიებს ხელეწიფება საქართველოს მართვა. დღეს ცალკეულ პარტიებს მხოლოდ პრეტენზიები აქვთ, მაგრამ არაფრის რესურსი და საკმარისი ნიჭიერება არ გააჩნიათ. ადრე საერთოდ არ გვყავდა პარტია, რომელიც ხალხზე იზრუნებდა“, - აღნიშნა ივანიშვინლმა.

ექსპრემიერმა წინა ხელისუფლების მმართველობის პერიოდზეც ისაუბრა:

„გავიხსენებ 300 ათას პირობითი სასჯელით მისჯილ ადამიანს. ოჯახი არ არსებობდა, სადაც პატიმარი არ იყო. ასევე მედია იყო მთლიანად მონოპოლიზირებული. როგორც დღეს "რუსთავი 2"-ი ჯგუფურად იმართება, მაშინ ასე ყველა მედია იმართებოდა, ფსევდო ოპოზიციური "მაესტრო", ფსევდო ოპოზიციური "კავკასია". დღეს ამის დოკუმენტები არსებობს. თავისუფალი მედია არ არსებობდა. არ არსებობდა თავისუფალი ბიზნესი. ყველა ბიზნესი იმართებოდა მთავარი პროკურორით, ადეიშვილით და მისი მოიდგილეთი. ეს არის ცინიზმის უმაღლესი საფეხური. თქვენ ხედავთ სად ვიყავით და სად ვართ ადამიანების უფლებების მხრივაც. გაუფორმებული დიქტატურიდან დემოკრატიული ინსტიტუტების სწრაფ აღმშენებლობამდე მივედით. მოხდა კოლოსალური ძვრა. მართლა ბრმა უნდა იყო, რომ ეს ყველაფერი ვერ დაინახო", - განაცხადა ივანიშვილმა და კიდევ ერთხელ მიმართა მოსახლეობას, არჩევნებზე მივიდნენ.

"აქვე ვიტყვი, რომ საქართველოში ვაპირებ ცხოვრებას და არსად წასვლას არ ვაპირებ. ასევე, მაქვს დიდი სურვილი, რომ უფრო ნაკლებად აქტიური ვიყო, და საზოგადოება თვითონ გააქტიურდეს", - განაცხადა ბიძინა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით