საქართველოს პრეზიდენტმა გიორგი მარგველაშვილმა მოსწავლეებს, სტუდენტებსა და პროფესორ-მასწავლებლებს ახალი სასწავლო წლის დაწყება მიულოცა.

როგორც პრეზიდენტმა მიმართვისას აღნიშნა, განათლება ქვეყნის ერთიანობის და სიძლიერის საფუძველია. 

"ძვირფასო მოსწავლეებო, სტუდენტებო, პედაგოგებო და მშობლებო, გულითადად გილოცავთ ახალი სასწავლო წლის დაწყებას.  განსაკუთრებით გილოცავთ მათ, ვისთვისაც დღეს პირველი დღეა სკოლასა  თუ უნივერსიტეტში. დღეიდან თქვენ განახლებული ენერგიით შეუდგებით ყოველდღიურ შრომას ცოდნის მისაღებად. განათლება კი, როგორც თქვენი პირადი წინსვლის, ასევე ქვეყნის ერთიანობისა და სიძლიერის საფუძველია. წარმატებულ, ახალი ცოდნითა და გამოცდილებებით აღსავსე სასწავლო წელს გისურვებთ",-ნათქვამი პრეზიდენტის მილოცვაში.

ამასთან, ახალი სასწავლო წლის დაწყებასთან დაკავშირებით, საქართველოს  პრეზიდენტი გიორგი მარგველაშვილი ქუთაისის კადეტთა კორპუსში იმყოფებოდა.

გიორგი მარგველაშვილმა კადეტებს სასწავლებლის 6 წლის იუბილე მიულოცა და წარმატებები უსურვა.

გიორგი კვინიტაძის სახელობის ლიცეუმში წელს პირველად დაიწყებენ სწავლას გოგონები.

ცნობისთვის, პრეზიდენტი გამოვიდა ინიციატივით, წარმატებულ გოგონებს გადაეცეთ სტიპენდია.

დღესვე პრეზიდენტი ქუთაისის პირველ საჯარო სკოლაში მივა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა