საქართველოს განათლებისა და მეცნიერების სამინისტროს ორგანიზებითა და ლიბერთი ბანკის მხარდაჭერით, 17 სექტემბერს მეცნიერებისა და ინოვაციების თბილისის ფესტივალი საზეიმოდ გაიხსნება.

ფესტივალის ფარგლებში მრავალი სახალისო და სამეცნიერო ღონისძიებაა დაგეგმილი. ფესტივალზე მოსულ სტუმრებს შესაძლებლობა ექნებათ ჩაერთონ სახალისო ექსპერიმენტებში, იმოგზაურონ ცერნის ბირთვული კვლევების ინტერაქტიულ გვირაბში, დაეწრონ სახალისო სამეცნიერო შოუს ბრიტანელი მეცნიერების მონაწილეობით, დაესწრონ გამოფენებს, პრეზენტაციებს და საჯარო ლექციებს.

ფესტივალი განკუთვნილია როგორც ბავშვებისთვის და სკოლის მოსწავლეებისთვის, ასევე სტუდენტებისთვის და მკვლევარ-მეცნიერებისთვის.  ფესტივალი 17-23 სექტემბრის ჩათვლით გაიმართება საგამოფენო პავილიონის ექსპო ჯორჯიას ტერიტორიაზე. 24 ოქტომბერს კი ფესტივალი ვაკის პარკში გადაინაცვლებს, სადაც დამთვალიერებლებს სამეცნიერო პიკნიკი დახვდებათ. 25-ში ღონისძიება გრანდიოზული კონცერტით დაიხურება, რომელიც ვაკის პარკში გაიმართება. ყველა ღონისძიებაზე დასწრება თავისუფალია.

დამატებითი ინფორმაციისთვის ეწვიეთ ფესტივალის გვერდს: www.facebook.com/scienceandinnovationfestival

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

15-16 მაისს მოსალოდნელია დროგამოშვებით ნალექი - სააგენტოს გაფრთხილება

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს