„ნაციონალური მოძრაობის" წევრის მიხეილ მაჭავარიანის განცხადებით, პაატა ბურჭულაძისა და ნიკა გვარამიას სატელეფონო საუბრის გამოქვეყნება, პირდაპირი დადასტურებაა იმისა, რომ საქართველოში დღეს უკანონო მოსმენები ხორციელდება.

როგორც მაჭავარიანმა "ექსპრესნიუსს" განუცხადა, ფარული ჩანაწერების გავრცელება მხოლოდ და მხოლოდ "ქართული ოცნების" ინტერესებშია და საუბარი იმის შესახებ, რომ სხვაგან შეიძლება იყოს გაკეთებული, აბსურდულია:

"აღნიშნული ფაქტი პირდაპირი დადასტურებაა იმისა, რომ საქართველოში უკანონო მოსმენები დღეს ხორციელდება. ეს ასევე დადასტურებაა იმისა, რომ "ოცნება" აგებს არჩევნებს და ათას სისულელეზე მიდის. დანაშაულზე მიდიან. არავინ არ დაიჯერებს, რომ რაღაცა, სადღაც, როგორღაც... პირდაპირი დადასტურებაა, რომ პოლიტიკურ ოპონენტებს უსმენენ. გახსოვთ, თავის დროზე "რუსთავი2"-დან მოსასმენი აპარატურა ამოიღეს და არავინ დაისაჯა.  პირდაპირი დადასტურებაა, როცა ნიკა გვარამია ამბობდა, რომ მას აშანტაჟებდნენ და პირდაპირი დადასტურებაა, რომ პოლიტიკურ ოპონენტებს უსმენენ. ეს არის სუსი-ს გაკეთებული. ნურავინ დააბრალებს ნურავის. ამიტომ არ უნდოდათ მოსმენების კანონის იმ ვარიანტის გატანა, რომელსაც ჩვენ ვუჭერდით მხარს, როდესაც შეუძლებელი იქნებოდა სასამართლოს გარეშე მოსმენა. ჩვენ, "ნაციონალური მოძრაობის" ხელისუფლება, ამაზე საკმაოდ დავზიანდით თავის დროზე, როცა ასეთი ჩანაწერები.... მაგრამ არა ასე, რაღაც სააგენტოზე ატვირთული, იქ პირდაპირ იყო წყარო დასახელებული, საიდან იყო მოპოვებული, მაშინ ეს იყო ყველაფერი, ასე ვთქვათ, კანონიერად მოპოვებული, მაგრამ მაინც ძალიან დავზარალდით. არავინ მითხრას, რომ ვინმეს ან აშშ-ში, ან მოსკოვში, ან  ტაჯიკეთში აინტერესებს პაატა ბურჭულაძე და ნიკა გვარამია რას ლაპარაკობენ. თუ საქართველოში არ აინტერესებთ, აბა ვის აინტერესებს, ვის?! სესიაშვილს აქვს ყურები დაგრძელებული, აბა ვის აინტერესებს. ვის აინტერესებს ეს ჩანაწერები ამათ გარდა?! ქურდს ქუდი ეწვისო, ეგრე მოუვიდა სესიაშვილს. ადამიანებს ეჭვი ეპარებდათ, რომ ეს ხელისუფლება ამითი არ იქნებოდა დაკავებული, უფრო უბინძურესი მეთოდებითაა დაკავებული. როგორც ჩანს, კიდევ რაღაც ჩანაწერები აქვთ და აპირებენ ამის გამოქვეყნებას. ამიტომ  არის, ჩუგოშვილმა რომ დაიწყო ეს ისტერიული კამპანია რაღაცებზე, რომ ვიღაცა რაღაცას გეგმავს. არჩევნებში მოგებას ვგეგმავთ ჩვენ. 4 წელი ველოდით ამ დღეს",-განაცადა მიხეილ მაჭავარიანმა.

ცნობისთვის, საპარლამენტო უმრავლესობის წევრმა, პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილმა "ექსპრესნიუსს" განუცხადა, რომ ამგვარი ფარული ჩანაწერების გაკეთება "ქართული ოცნების" ხელისუფლების ინტერესებში არ შედიას. სესიაშვილმა არ გამორიცხა, რომ ჩანაწერი უცხოეთში იყოს გაკეთებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით