პარლამენტის საკონსტიტუციო კომისიის წევრის ელისო ჩაფიძის განცხადებით, ის კომისიის მუშაობის დროს განსაკუთრებული აქტიურობით არ გამოირჩეოდა, მაგრამ კომისიის სხდომის უმეტესობაში მონაწილეობა მიიღო.

ამასთან ელისო ჩაფიძემ „ექსპრესნიუსს“ განუცხადა, რომ ის მიესალმება თუ გამოქვეყნდება კომისიის მუშაობის დროს დეპუტატების დასწრების სია.

„ოფიციალურადაა დაფიქსირებული თუ მონაწილეობდა საკონსტიტუციო კომისიის სხდომებში. მე, პირადად, ვერ ვიტყვი, რომ კომისიის მუშაობის დროს განსაკუთრებული აქტიურობით გამოვირჩეოდი. თუმცა, რამოდენიმე წინადადება მქონდა, რაც სხდომის ოქმშიცაა შეტანილი. მათ შორისაა, გუბერნატორების არჩევითობასთან დაკავშირებული წინადადებები და სასამართლო ხელისუფლებასთან არსებული საკითხები. მე სწორედ ამ ორ, ადამიანის უფლებებისა და ტერიტორიული საკითხების კომისიაში ვიყავი გაერთიანებული. ნამდვილად ვერ გეტყვით, რომ კომისიის ყველა სხდომას ვესწრებოდი, მაგრამ უმეტესობაში მონაწილეობა მივიღე. ნამდვილად არსებობდა კვორუმის პრობლემა, მაგრამ არა ჩემს გამო. ზოგადად, მივესალმები თუ გამოქვეყნდება კომისიის მუშაობის დროს დეპუტატების დასწრების სია.  თუმცა, კომისიის სხდომებზე სხვა გუნდის წევრებიც არ დადიოდნენ“, - აცხადებს ჩაფიძე.

შეგახსენებთ, რომ პარლამენტის თავმჯდომარემ დავით უსუფაშვილმა განაცხადა, რომ პარლამენტის საკონსტიტუციო კომისია სხდომებზე „ქართული ოცნებისა“ და „ნაციონალური მოძრაობის“ წევრების მიუსვლელობისა და შესაბამისად, კვორუმის არარსებობის გამო ვერ ფუნქციონირებდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით