„რესპუბლიკურ პარტიას“ ჰქონდა მოსაზრება, რომ პრეზიდენტი პარლამენტის მიერ უნდა ყოფილიყო არჩეული. თუმცა, მოსაზრება ერთია და მეორეა მისი რეალობად ქცევა, - ასე პასუხობს საპარლამენტო უმრავლესობის ლიდერი გია ვოლსკი პარლამენტის თავმჯდომარე დავით უსუფაშილის დღევანდელ განცხადებას.

როგორც ვოლსკიმ „ექსპრესნიუსს“  განუცხადა, ბიძინა ივანიშვილმა მედიასთან შეხვედრისას აქცენტი სწორედ საკონსტიტუციო კომისიის არაეფექტურობაზე გააკეთა და არა რომელიმე ადამიანის მოსაზრებებზე.

„მე საკონსტიტუციო კომისიის წევრი არ ვარ და დეპუტატების დასწრების საკიტხს ვერ განვიხილავ. თუმცა, რაღაც არ მაგონდება, რომ პოლიტსაბჭოში კომისიის თავმჯდომარეს კვორუმის არარსებობის პრობლემა დაეყენებინოს. „რესპუბლიკურ პარტიას“ ქონდა მოსაზრება, რომ პრეზიდენტი პარლამენტის მიერ უნდა ყოფილიყო არჩეული. თუმცა, მოსაზრება ერთია და მეორეა მისი რეალობად ქცევა. ამ თემასთან დაკავშირებით საჭიროა მუშაობა და მისი ფურცელზე გადატანა. მით უმეტეს, თუ ამის ბერკეტი გაგაჩნია. იგივე ივანიშვილი თავად საუბრობს კომისიის საქმიანობის არაეფექტურობაზე და არა რომელიმე ადამიანის მოსაზრებებზე“, - განაცხადა ვოლსკიმ.

შეგახსენებთ, რომ პარლამენტის თავმჯდომარე დავით უსუფაშვილი მედიასაშუალების წარმომადგენლებთან შეხვედრისას სახელმწიფო საკონსტიტუციო კომისიის მუშაობასთან დაკავშირებით ბიძინა ივანიშვილის გუშინდელ განცხადებებს გამოეხმაურა. უსუფაშვილის თქმით, მას იმედი აქვს, რომ ბიძინა ივანიშვილი არასწორად მიწოდებული ფაქტების მსხვერპლია და თავად სიცრუის ტირაჟირებას არ ახდენს. მისივე განმარტებით, სიმართლეს არ შეესაბამება ინფორმაცია, რომ საკონსტიტუციო კომისიას თითი თითზე არ დაუდია. ამასთან, როგორც პარლამენტის თავმჯდომარემ განაცხადა,  „რესპუბლიკელების“ მყარი პოზიცია იყო, რომ პრეზიდენტი არაპირდაპირი წესით ყოფილიყო არჩეული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით