საქართველოს ეკონომიკისა და მდგრადი განვითარების სამინისტროს სამოქალაქო ავიაციის სააგენტო "Samsung Galaxy Note 7"-ის მფლობელებს რეკომენდაციებით მიმართავს.

ევროპის საავიაციო უსაფრთხოების სააგენტოს (EASA) ფრენის უსაფრთხოების ბიულეტენზე დაყრდნობით, სააგენტო აპარატების საჰაერო ხომალდით გადატანასთან დაკავშირებით, თვითმფრინავის ბორტზე ცეცხლის გაჩენის საშიშროების პრევენციისა და ფრენების უსაფრთხოების უზრუნველყოფის მიზნით მგზავრებს მოუწოდებს, ფრენის განმავლობაში აღნიშნული მოდელის აპარატები შეინარჩუნ გამორთულ მდგომარეობაში, მოერიდონ  "Samsung Galaxy Note 7" ელემენტის დამუხტვას საჰაერო ხომალდის ბორტზე, არ მოათავსონ აღნიშნული მობილური ტელეფონები რეგისტრირებულ ბარგში და დაუყოვნებლივ შეატყობინონ ეკიპაჟის წევრებს აპარატის შესაძლო დაზიანების, გახურების, აალების, დაკარგვის ან სავარძლებს შორის ჩავარდნის შემთხვევაში.   

როგორც სამოქალაქო ავიაციის სააგენტოში განმარტავენ, სამოქალაქო ავიაციის საერთაშორისო ორგანიზაციებისა და საავიაციო ხელისუფლებების მიერ რეკომენდაციების გავრცელების აუცილებლობა განაპირობა კომპანია "Samsung"-ის ოფიციალურმა განცხადებამ, რომლის მიხედვით, „Galaxy Note 7"-ის ელემენტებთან მიმართებაში გამოვლენილი მოჭარბებული საჩივრების გამო, კომპანია იწყებს გაყიდული პროდუქციის გამოთხოვისა და მისი ახალი აპარატებით გამოცვლის პროგრამას.

სამოქალაქო ავიაციის სააგენტო მოუწოდებს მგზავრებსა და ეკიპაჟის წევრებს, საჰაერო ხომალდით მგზავრობისას აუცილებლად გაითვალისწინოთ აღნიშნული რეკომენდაციები.

ევროპის საავიაციო უსაფრთხოების სააგენტოს (EASA) ფრენის უსაფრთხოების ბიულეტენი (2016-13 : Fire hazards associated with Samsung Galaxy Note7 devices) შეგიძლიათ იხილოთ ბმულზე: http://ad.easa.europa.eu/ad/2016-13

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა

კიევის სასამართლომ ფულის გათეთრების საქმეზე უკრაინის პრეზიდენტის ადმინისტრაციის ყოფილი ხელმძღვანელი, ანდრეი იერმაკი დააკავა