|
2016-09-10 17:23:21, 1495 ნახვა
ეკონომიკა
USAID-ის წარმომადგენლებმა სადახლოს საზოგადოებრივი ცენტრი მოინახულეს
ევროკავშირისა და აშშ-ის საერთაშორისო განვითარების სააგენტოს (USAID) წარმომადგენლებმა სადახლოს საზოგადოებრივი ცენტრი მოინახულეს. სტუმრები საზოგადოებრივი ცენტრის კონცეფციას გაეცნენ. ევროკავშირისა და USAID-ის წარმომადგენლებს: ევროკავშირის საგანგებო და სრულუფლებიან დესპანს, განვითარებისა და თანამშრომლობის განყოფილების ხელმძღვანელ ვინსენტ რეის, საჯარო მმართველობის რეფორმის პროგრამის მენეჯერს სოფი გერიშს, ადამიანის უფლებების საკითხებში ევროკავშირის ოფიცერს ივონ გოგოლს, USAID-ის დირექტორს დაგლას ბოლის, დემოკრატიის, მმართველობის და სოციალური განვითარების ოფისის დირექტორს მონიკა აზიმის, პროგრამის ოფიცერს მარკ მიტჩელს სახელმწიფო სერვისების განვითარების სააგენტოს სტრატეგიული პროექტების მართვისა და რეფორმების დეპარტამენტის დირექტორმა ნანა წიკლაურმა, საზოგადოებრივი ცენტრების პროექტის მენეჯერმა მარიამ ძაგნიძემ და საერთაშორისო ურთიერთობებისა და დონორ ორგანიზაციებთან თანამშრომლობის სამსახურის უფროსმა ელენე რომელაშვილმა უმასპინძლეს. სახელმწიფო სერვისების განვითარების სააგენტოს ხელმძღვანელმა პირებმა საერთაშორისო ორგანიზაციის წარმომადგენლებს მიაწოდეს ინფორმაცია იმ მრავალფეროვანი სერვისების შესახებ, რომლებსაც სადახლოს საზოგადოებრივი ცენტრი ადგილობრივ მოსახლეობას სთავაზობს. უცხოელი სტუმრები გაეცნენ ქვეყანაში მოქმედ ელექტრონული მმართველობის, ინფორმაციის ხელმისაწვდომობისა და სამოქალაქო ჩართულობის პრინციპებს. აღსანიშნავია, რომ საზოგადოებრივი ცენტრების საკონფერენციო დარბაზები აღჭურვილია თანამედროვე ტექნიკით. დარბაზით სარგებლობა შეუძლია როგორც მკვიდრ მოსახლეობას, ისე ცენტრალური და ადგილობრივი ხელისუფლების, სამოქალაქო სექტორის წარმომადგენლებს, რაც, თავის მხრივ, ხელს უწყობს ადგილობრივ მმართველობაში სამოქალაქო ჩართულობის უზრუნველყოფას. აღსანიშნავია, რომ სახელმწიფო სერვისების განვითარების სააგენტო ევროკავშირთან 2011 წლიდან თანამშრომლობს. დონორი ორგანიზაციის ფინანსური მხარდაჭერით სააგენტომ განახორციელა პროექტი „ელექტრონული მმართველობის დანერგვა ადგილობრივ თვითმმართველობებში“. პროექტის მეორე ფაზა ორი წლის განმავლობაში მიმდინარეობდა და 2016 წლის მაისში დასრულდა. შედეგად გაიხსნა 22 საზოგადოებრივი ცენტრი საქართველოს 8 რეგიონის 18 მუნიციპალიტეტში. საზოგადოებრივი ცენტრის მეშვეობით მოსახლეობას საშუალება აქვს, სოფლიდან გაუსვლელად ისარგებლოს 200-ზე მეტი საჯარო და კერძო სექტორის სერვისით. საზოგადოებრივი ცენტრის მომხმარებლებს შეუძლიათ, ისარგებლონ სახელმწიფო სერვისების განვითარების სააგენტოს, საქართველოს ეროვნული არქივის, საჯარო რეესტრის ეროვნული სააგენტოს, სოციალური მომსახურების სააგენტოს და შპს მექანიზატორის სერვისებით, ცენტრში ასევე წარმოდგენილი არიან კერძო კომპანიები: „მაგთიკომი“ და „ლიბერთი ბანკი“. ამჟამად საქართველოს მასშტაბით 36 საზოგადოებრივი ცენტრი ფუნქციონირებს. წლის ბოლომდე კიდევ რამდენიმე ახალი ცენტრის გახსნა იგეგმება. პროექტი ხორციელდება ევროკავშირის ფინანსური მხარდაჭერით.
(NS)
რესპუბლიკელები რუსეთთან საბრძოლველად 300 მილიონი დოლარის გამოყოფას ითხოვენ
დაკავებულია პირი, რომელმაც ყოფილი მეუღლის მკვლელობა განიზრახა და ნაცნობს 25 000 დოლარის სანაცვლოდ, ქილერის მოძიება დაავალა
ევროკავშირის HICP მეთოდოლოგიით დათვლილი წლიური ინფლაცია საქართველოში 5.7%-ის ფარგლებში ფიქსირდება
პაპუაშვილი – ბათუმის პროცესი მართლაც იქცა ქართულ ნიურნბერგის პროცესად
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



