დღეს ჩრდილოატლანტიკური საბჭოს (NAC) დელეგაციის წევრებისა და არასამთავრობო სექტორის შეხვედრას თავდაცვის ინსტიტუციური აღმშენებლობის სკოლამ (DIB) უმასპინძლა.

თავდაცვის სამინისტროს ინფორმაციით, სამოქალაქო საზოგადოების წარმომადგენლებთან შეხვედრას მოდერაცია ნატოს გენერალური მდივნის მოადგილემ ალექსანდრ ვერშბოუმ გაუწია.

უწყების ინფორმაციით, დისკუსიის დროს განსაკუთრებული ყურადღება გამახვილდა საქართველოს თავდაცვისა და უსაფრთხოების სექტორის რეფორმასა და ქვეყნის ნატოში ინტეგრაციაზე.

განხილვის მთავარი თემები, ასევე რეგიონული უსაფრთხოება და ოკუპირებულ ტერიტორიებზე არსებული ვითარება იყო.

სამოქალაქო საზოგადოების წარმომადგენლებმა ნატოს დელეგაციის წევრებისგან მათთვის საინტერესო კითხვებზე პასუხები მიიღეს.

„ძალიან სასარგებლო შეხვედრა გვქონდა. თავდაცვის ინსტიტუციური აღმშენებლობის სკოლაში პირველად ვიმყოფები. სკოლა ვითარდება და ჰოლანდიას წვლილი შეაქვს აღნიშნული სასწავლო დაწესებულების განვითარებაში. შეხვედრაზე ბევრი საკითხი განვიხილეთ. საუბარი შეეხო საქართველოს ოკუპირებულ რეგიონებში - აფხაზეთსა და "სამხრეთ ოსეთში" არსებულ მდგომარეობასა და მის გავლენას საქართველოზე“, - განაცხადა მედიის წარმომადგენლებთან ნატოში ნიდერლანდების სამეფოს ელჩმა მარიან დე კვასტენიეტმა.

სამოქალაქო საზოგადოების წარმომადგენლებთან თემატური შეხვედრები პარალელურ რეჟიმში საქართველოს შიდა რეფორმებისა და კონფლიქტების მოგვარების თემებზეც გაიმართა.

უსაფრთხოებისა და საგარეო პოლიტიკის თემაზე შეხვედრა კი, თავდაცვის ინსტიტუციური აღმშენებლობის სკოლაში ჩატარდა. 

DIB ნატო-საქართველოს არსებითი პაკეტის ერთ-ერთი მნიშვნელოვანი პროექტია და მისი მთავარი ამოცანა უსაფრთხოების სექტორში წარმატებული მმართველობის მხარდაჭერა, თავდაცვისა და უსაფრთხოების საკითხებში ეროვნული შესაძლებლობების გაძლიერება და ნატოს შესაბამის სტრუქტურებთან, წევრ და პარტნიორ ქვეყნებთან თანამშრომლობის გაღრმავებაა.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დრონებმა რუსეთის ვოლგოგრადისა და სამარის რეგიონებს შეუტიეს, ნავთობგადამამუშავებელ ქარხანას ცეცხლი გაუჩნდა

ნატოს გამანადგურებლებმა ლიეტუვის საზღვრის დარღვევის გამო დრონი ჩამოაგდეს

FT: პუტინს არ სურს ტრამპის მიერ უკრაინასთან გამოცხადებული ენერგეტიკული ზავის დადება

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას