ჯანდაცვის სამინისტროს ეროვნულ სასწავლო ცენტრში ელექტრონულ რეცეპტებთან დაკავშირებით ფარმაცევტებისთვის ტრენინგი მიმდინარეობს.

მონაწილეებს ჯანდაცვის სანისტროს წარმომადგენლები ელექტრონული რეცეპტის მოხმარების ინსტრუქციას დეტალურად გააცნობენ. ფარმაცევტებს საშუალება ექნებათ, პერმანენტულ რეჟიმში დასვან კითხვები, ისაუბრონ ელექტრონულ სისტემაში არსებულ პრობლემებზე და მიიღონ საჭირო რეკომენდაციები.

სასწავლო კურსის  მიმდინარეობას ჯანდაცვის მინისტრის მოადგილე, ნინო ბერძული დაესწრო.

მისი განცხადებით, 1 თვის მონაცემებით დღეში დაახლოებით 100 ელექტრონული რეცეპტი იწერება, რაც საკმაოდ კარგი დასაწყისია და ოქტომბრის ბოლოსთვის თბილისის მასშტაბით სისტემაში  250 სააფთიაქო დაწესებულება იქნება ჩართული.

პირველ ეტაპზე სასწავლო კურსში  70 ფარმაცევტი ჩაერთო. აღნიშნული ტრენინგები ფარმაცევტებისთვის 4 ეტაპად ჩატარდება. ელექტრონული რეცეპტის ტესტირება 2016 წლის 1 აგვისტოს დაიწყო და მასში ჯანდაცვის პროვაიდერი, საოჯახო მედიცინისა და ფარმაცევტული ქსელებიდან, ასევე აფთიაქებიდან სუბიექტები სპეციალური მოთხოვნების გათვალისწინებით ჩაერთნენ. ელექტრონული რეცეპტი საქართველოს ყველა სამკურნალო და სააფთიაქო დაწესებულებაში ეტაპობრივად გავრცელდება და ყველა მსურველს ცხელ ხაზზე დარეკვით სისტემაში ჩართვის შესაძლებლობა მიეცემა. თავდაპირველად ელექტრონულ რეცეპტზე გადასვლა ნებაყოფლობით, შემდგომში კი სავალდებულო წესით მოხდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა