|
2016-09-06 16:43:10, 1219 ნახვა
ეკონომიკა
დიმიტრი ქუმსიშვილი: საქართველოსა და ლიტვას შორის სავაჭრო ბრუნვა კიდევ უფრო გაიზრდება
6 სექტემბერს თბილისში საქართველო–ლიტვის მთავრობათაშორისი კომისიის მეორე სხდომა გაიმართა, რომელსაც ხელმძღვანელობდნენ საქართველოს მხრიდან პირველი ვიცე–პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი და ლიტვის ეკონომიკის მინისტრი ევალდას გუსტასი. მთავრობათაშორისი კომისიის სხდომები 2015 წლიდან ყოველწლიურად იმართება და მასზე ორ ქვეყანას შორის მნიშვნელოვანი სოციალურ–ეკონომიკური საკითხები იხილება. კომისიის სხდომის დაწყებამდე, საქართველოს პირველი ვიცე–პრემიერის, დიმიტრი ქუმსიშვილისა და ლიტვის ეკონომიკის მინისტრის ევალდას გუსტასის პირისპირ შეხვედრა გაიმართა, რომელზეც მხარეებმა ორ ქვეყანას შორის სავაჭრო–ეკონომიკური ურთიერთობები და მათი შემდგომი განვითარების შესაძლებლობები განიხილეს. შეხვედრის დასრულების შემდეგ, მთავრობათაშორისო კომისიის სხდომა ჩატარდა, რომელზეც მოხსენებები დიმიტრი ქუმსიშვილმა ევალდას გუსტასმა გააკეთეს. პირველი ვიცე–პრემიერის, დიმიტრი ქუმსიშვილის განცხადებით, ლიტვა საქართველოს სტრატეგიული პარტნიორია. მისი თქმით, შარშან ლიტვასთან საქართველოს სავაჭრო ბრუნვა, სხვა ქვეყნებისაგან განსხვავებით, გაიზარდა, საერთო სავაჭრო ბრუნვამ კი თითქმის 79 მილიონ დოლარს მიაღწია. დიმიტრი ქუმსიშვილი ასევე დადებითად შეაფასა ორმხრივი ვაჭრობის მაჩვენებელი 2016 წლისათვის. პირველმა ვიცე–პრემიერმა ასევე დადებითად შეაფასა თანამშრომლობა ტურიზმის სფეროში და განაცხადა, რომ ზრდის კარგი ტენდენციები არსებობს. დიმიტრი ქუმსიშვილმა განსაკუთრებული ყურადღება გაამახვილა თანამშრომლობის პერსპექტივებზე აგროსექტორის მიმართულებით. მისი განცხადებით, თავის დროზე, ლიტვამ მოახდინა საკუთარი აგროსექტორის სინქრონიზაცია და ადაპტაცია ევროპული რეგულაციების შესაბამისად. დიმიტრი ქუმსიშვილის განცხადებით, დღეს საქართველოც ამ გზას გადის და უწევს ევროპულ კანონმდებლობასთან საკუთარი ნორმატიული ბაზის სინქრონიზაცია. ამდენად, მისი თქმით, ლიტვის გამოცდილების გაცნობა საქართველოსთვის მნიშვნელოვანია. კომისიის სხდომაზე მხარეებმა განიხილეს ვაჭრობის, ინვესტიციების, კულტურის, მეცნიერების, ტრანსპორტის, კომუნიკაციების, ჯანდაცვის და სხვა საკითხებში. ასევე საუბარი წარიმართა იმ მხარდაჭერაზე, რომელსაც ლიტვა უწევს საქართველოს ვიზალიბერალიზაციის მიმართულებით. (NS)
რესპუბლიკელები რუსეთთან საბრძოლველად 300 მილიონი დოლარის გამოყოფას ითხოვენ
დაკავებულია პირი, რომელმაც ყოფილი მეუღლის მკვლელობა განიზრახა და ნაცნობს 25 000 დოლარის სანაცვლოდ, ქილერის მოძიება დაავალა
ევროკავშირის HICP მეთოდოლოგიით დათვლილი წლიური ინფლაცია საქართველოში 5.7%-ის ფარგლებში ფიქსირდება
პაპუაშვილი – ბათუმის პროცესი მართლაც იქცა ქართულ ნიურნბერგის პროცესად
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



