უსუფაშვილი: ივანიშვილის პოტენციური პარტნიორი უფრო „პატრიოტთა ალიანსია“, ვიდრე

2016-09-06 14:10:47, 772 ნახვა

პოლიტიკა

უსუფაშვილი: ივანიშვილის პოტენციური პარტნიორი უფრო „პატრიოტთა ალიანსია“, ვიდრე - „რესპუბლიკელები“

პარლამენტის თავმჯდომარე დავით უსუფაშვილი "რესპუბლიკურ პარტიასთან" დაკავშირებით ბიძინა ივანიშვილის ბოლო დროინდელ განცხადებას გამოეხმაურა.

უსუფაშვილის თქმით, ის წუხს, რომ ივანიშვილმა 2016 წლის საპარლამენტო არჩევნებისთვის 2011-2012 წლებთან შედარებით სხვა პროექტი წარმოადგინა.

უსუფაშვილის განმარტებით, ამ სხვა პროექტში ივანიშვილის პოტენციური პარტნიორი უფრო "პატრიოტთა ალიანსია", ვიდრე "რესპუბლიკური პარტია" ან "თავისუფალი დემოკრატები".

"ივანიშვილი პოლიტიკური პარტიის კამპანიაშია ჩართული. კამპანიის დროს პოლიტიკოსები და პოლიტიკური პარტიები ერთმანეთს ვაკრიტიკებთ და ამ კრიტიკაში ჩვენს განზრახულობებსაც ვავლენთ ხოლმე. "რესპუბლიკელებს" ივანიშვილმა აღმოგვიჩინა ის პრობლემა, რომ თურმე ჩვენ ჭავჭავაძეს ცუდ კაცად ვთვლით. ვწუხვარ, რომ აქამდე დავიდა ეს კრიტიკა. ეს არაა კარგი. "რესპუბლიკელებმა" ვაკეთეთ რაც შეგვეძლო ქვეყნის სასიკეთოდ. ჩვენი არჩევანი უცვლელია. ვართ მზად, დემოკრატიულ, პროდასავლურ ძალებთან მჭიდრო ურთიერთობისთვის. თუ ივანიშვილი სხვანაირად უყურებს მოვლენებს, ეს მისი უფლებაა. ცუდია, რომ ის ჩვენი პროექტი, რომელიც გულისხმობდა კოალიცია "ქართული ოცნების" დემოკრატიული კუთხით გაძლიერებას, ამ პროექტზე მან უარი ტქვა. დანარჩენი არჩევნებზე გამოჩნდება", - განაცხადა უსუფაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან