„რესპუბლიკური პარტიის“ წევრი ლევან ბერძენიშვილი ევროპარლამენტის სამოქალაქო თავისუფლებების, მართლმსაჯულებისა და საშინაო საქმეთა კომიტეტის გუშინდელ გადაწყვეტილებას ეხმაურება და აცხადებს, რომ ვიზალიბერალიზაციის მინიჭება ქვეყანაში არსებულ დემოკრატიულ პროცესებზე არაა დამოკიდებული.

როგორც ბერძენიშვილმა „ექსპრესნიუსს“ განუცხადა, ევროპარლამენტს ამ ეტაპზე ქვეყნებისთვის ვიზალიბერალიზაციის შეჩერების მექანიზმი არ აქვს. მან იმედი გამოთქვა, რომ საქართველოს ვიზალიბერალიზაცია ასეთი მექანიზმის შექმნამდე მიენიჭება.

„გუშინ სამი კენჭისყრა იყო, ესაა უკრაინა, საქართველო და კოსოვო. ვიზალიბერალიზაციის საკანონმდებლო ინიციატივას სამივე შემთხვევაში უმრავლესობით დაუჭირეს მხარი. არ მგონია, აქ საუბარი იყოს იმაზე, რომ ვიზალიბერალიზაციის საკითხის სხდომაზე გასვლა ქვეყანაში არსებული დემოკრატიული მდგომარეობით იყოს განპირობებული. ჩვენ ვიზალიბერალიზაციის სამოქმედო გეგმით გათვალისწინებული ყველა ეტაპი შევასრულეთ. ევროპარლამენტის 51 წევრიდან 43 დაგვიჭირა მხარი, 5 იყო წინააღმდეგი და 3-მა წევრმა თავი შეიკავა. მიუხედავად იმისა, რომ ეს ფარული კენჭისყრაა, ზუსტად ვიცი ვინ დაგვიჭირა მხარი და ვინ არა. იმიტომ, რომ ყველასთან გვქონდა საუბრები და შეხვედრები. გარდა იმისა, რომ საქართველოს მთავრობამ მასზე დაკისრებული ვალდებულებები შეასრულა, საქართველოს პარლამენტის საგარეო საქმეთა კომიტეტის თავმჯდომარე თედო ჯაფარიძე, ევროპასთან ინტეგრაციის კომიტეტის თავმჯდომარე ლევან ბერძენიშვილი, ევროპასთან ინტეგრაციის კომიტეტის ყოფილი თავმჯდომარე ვიქტორ დოლიძე - სამივე დავდიოდით და კომიტეტის ყველა წევრის აზრი ვიცოდით. ზოგიერთი წევრი გამდოვიბირეთ, ზოგიერთი ვერ გადმოვიბირეთ. მთლიანობაში, ეს არის პროცესის დასასრულის დასაწყისი - კენჭისყრამდე პირველად მივიდა საქმე. ამის შემდეგ ევროპარლამენტში პლენარული სესია რჩება, სადაც სრულიად ნათელია, რომ აუცილებლად, ევროპარლამენტი კომიტეტის გადაწყვეტილებას დაეთანხმება. პრობლემა გახლავთ ის, რომ ევროკავშირის საბჭოში გადაწყვეტილება მიიღება მანამ, სანამ მათ შეჩერების მექანიზმი აქვთ თუ მის მერე. იმედია, ვიზალიბერალიზაცია შეჩერების მექანიზმის ამოქმედებამდე მოგვენიჭება“, - აცხადებს ბერძენიშვილი.

შეგახსენებთ, რომევროპარლამენტის სამოქალაქო თავისუფლებების, მართლმსაჯულებისა და საშინაო საქმეთა კომიტეტმა (LIBE) საქართველოს ვიზალიბერალიზაციის საკანონმდებლო ინიციატივას მხარი დაუჭირა. საქართველოს მოქალაქეებისთვის სავიზო რეჟიმის გაუქმებას კომიტეტის 44 წევრმა მისცა ხმა, წინააღმდეგი ხუთი იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

არაგვზე ხიდის მშენებლობის გამო, სად შეიზღუდება წყალმომარაგება 36 საათით - GWP-ს განცხადება

მათიკაშვილი - პირდაპირი მსგავსებაა სექტანტურ მიმდინარეობასა და იმ ე.წ. პროტესტს შორის, რომელიც საქართველოში მიმდინარეობს

ბოჭორიშვილი: საქართველო მტკიცედ დგას უკრაინელი ხალხის გვერდით

სი ძინპინმა განაცხადა, რომ ჩინეთი და აშშ პარტნიორები უნდა იყვნენ და არა მეტოქეები