ექსპერტი პოლიტიკის საკითხებში გია ხუხაშვილი გურიაში ბიძინა ივანიშვილის ჟურნალისტებთან შეხვედრას აფასებს და აცხადებს, რომ „ნაციონალური მოძრაობის“ ამომრჩევლების შეურაცხყოფის ზღვარზე გაკეთებული შეფასებები შორსმჭვრეტელური ნაბიჯი არაა და ივანიშვილის ნეგატიური გზავნილები, არავის აინტერესებს.

„მე არ მგონია, რომ ბიძინა ივანიშვილის დღევანდელი განცხადებები პოლიტიკურ პარტიებზე სწორი იყოს. კი ბატონო, ამას ანალიტიკური ახსნა რომ მოუძებნოს და ამაზე გვესაუბროს, ეს საინტერესო იქნება. თუმცა, იგივე „ნაციონალების“ამომრჩევლებზე შეურაცხყოფის ზღვარზე გაკეთებული შეფასებები შორსმჭვრეტელური ნაბიჯი არაა.  ბიძინა ივანიშვილის ნეგატიური გზავნილები, არ მგონია, ვინმესთვის საინტერესო იყოს. ივანიშვილმა, ფაქტიურად, მთელი თავისი პრესკონფერენცია ნეგატივს დაუთმო. საერთოდ, ჯობს ივანიშვილმა „ქართული ოცნების“ შეცდომებს მეტი ყურადღება დაუთმოს.  მომავალში რა იქნება - ხალხს სწორედ ეს აინტერესებს. იმ პარტიებს თავისი გაჭირვება ეყოფათ და ივანიშვილისგან წიხლის ჩაყოლება სწორი არ არის“, - განუცხადა ხუხაშვილმა „ექსპრესნიუსს“.

შეგახსენებთ, რომ ყოფილმა პრემიერ-მინისტრმა ბიძინა ივანიშვილმა დღეს გურიაში მედიის წარმომადგენლებთან შეხვედრის, სხვა საკითხებთან ერთად, არჩევნების წინ პოლიტიკური პარტიების ნაწილის  მდგომარეობაზე იაუბრა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

არაგვზე ხიდის მშენებლობის გამო, სად შეიზღუდება წყალმომარაგება 36 საათით - GWP-ს განცხადება

მათიკაშვილი - პირდაპირი მსგავსებაა სექტანტურ მიმდინარეობასა და იმ ე.წ. პროტესტს შორის, რომელიც საქართველოში მიმდინარეობს

ბოჭორიშვილი: საქართველო მტკიცედ დგას უკრაინელი ხალხის გვერდით

სი ძინპინმა განაცხადა, რომ ჩინეთი და აშშ პარტნიორები უნდა იყვნენ და არა მეტოქეები