პარტია „თავისუფალი დემოკრატების“ ერთ-ერთი ლიდერის ნინო გოგუაძის განცხადებით, ბიძინა ივანიშვილმა დღევანდელი გამოსვლით კიდევ ერთხელ დაადასტურა, რომ „კაბელების საქმეზე“ დაკავებული ადამიანები, ციხეში მისი პოლიტიკური შეხედულებების გამო სხედან.

„ბატონმა ბიძინამ დღევანდელ პრესკონფერენციაზე „თავისუფალი დემოკრატების“ შეფასებით, კიდევ ერთხელ დაადასტურა, რომ ჩვენ პრინციპებისა და ღირებულებების პარტია ვართ და „თავისუფალი დემოკრატები“ ვემსახურებით საკუთარ პრინციპებს, ღირებულებათა სამართლებრივ დემოკრატიულ სახელმწიფოს და არა, თუნდაც ერთ ყველაზე გავლენიან ადამიანს. ივანიშვილმა სწორედ ეს ვერ აპატია „თავისუფალ დემოკრატებს“. გარდა ამისა, ივანიშვილი კაბელების თემასა და იმ ადამიანებს შეეხო, რომლებიც დღეს სწორედ პოლიტიკური ნიშნით არიან დაკავებულები. მან კიდევ ერთხელ დაადასტურა, რომ ეს ადამიანები პატიმრობაში მისი პოლიტიკური შეხედულებების გამო არიან. სრულიად გამჭირვალე სასამართლო პროცესის,  ავტორიტეტული არასამთავრობოების ობიექტური  და  სახალხო დამცველის მიუკერძოებელი დასკვნის მიუხედავად, რომლებიც გვეუბნებიან, რომ ეს ადამიანები ციხეში კანონისა და კონსტიტუციის დარღვევით სხედან, ივანიშვილი ისევ ლაპარაკობს ამ ადამიანების ბრალეულობაზე“, - განუცხადა გოგუაძემ „ექსპრესნიუსს“.

შეგახსენებთ, რომ დღეს მედიასთან შეხვედრის დროს „თავისუფალ დემოკრატებზეც“ გააკეთა კომენტარი და აღნიშნა, რომ „პარტიის ლიდერი ირაკლი ალასანია უამრავ ტყულს ამბობს და საზოგადოებამ მასა და მის გუნდს ხმა არ უნდა მისცეს“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სი ძინპინმა განაცხადა, რომ ჩინეთ-ჩრდილოეთ კორეის ურთიერთობები ახალ ისტორიულ ეტაპზე შევიდა

AI განათლება მომავლის შესაძლებლობებისთვის: თიბისისა და GAIA-ს ერთობლივი ინიციატივები

სტუდიო ლიბერთი Global Tech Weekend Tbilisi 2026-ის მთავარი პარტნიორია

მოსკოვში ავტომობილის აფეთქების შედეგად მოკლული გენერალი დამირ დავიდოვია, რომელიც სარაკეტო და არტილერიის დირექტორატის ხელმძღვანელობდა