ბიძინა ივანიშვილი: ხელისუფლება იძულებული იყო, მაჟორიტარული ოლქების შესახებ კანონი მიეღო

2016-09-05 12:53:21, 700 ნახვა

პოლიტიკა

ის, რომ მაჟორიტარული ოლქების საზღვრები ადმინისტრაციულ საზღვრებს არ ემთხვევა, დამატებით სირთულეებს აჩენს. თუმცა, ჩვენ, უფრო სწორად ხელისუფლება იძულებული იყო, ეს რეფორმა გაეტარებინა, - ასე გამოეხმაურა ივანიშვილი „გურია ტვ“-ის ჟურნალისტის კითხვას მაჟორიტარული ოლქების საზღვრების შეცვლის შესახებ.

„ის, რომ მაჟორიტარული ოლქების საზღვრები ადმინისტრაციულ საზღვრებს არ ემთხვევა, დამატებით სირთულეებს აჩენს. თუმცა, ჩვენ, უფრო სწორად ხელისუფლება იძულებული იყო, ეს რეფორმა გაეტარებინა. გახსოვთ, დიდი დისბალანსი იყო. ზოგან 2000 კაცი ირჩევდა მაჟორიტარ დეპუტატს, ხოლო ზოგან 60 000. ევროპული სტანდარტებიდან გამომდინარე, პარლამენტმა ეს კანონი მიიღო. რა თქმა უნდა, ეს დამატებით პრობლემებს შექმნის. იმედია, ჩვენი საზოგადოება საკმაოდ გამჭრიახია და ამ სირთულეებსაც გადავლახავთ“, - აცხადებს ივანიშვილი.

შეგასენებთ, რომ ივანიშვილი ტელეკომპანია GDS-ის გადაცემაში სტუმრის სტატუსით მონაწილეობს და გურიის რეგიონის მედიის შეკითხვებს პასუხობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან