„ნაციონალური მოძრაობის“ წევრის ოთო კახიძის განცხადებით, ტელეკომპანია „იმედის“ დაკვეთით ჩატარებული კვლევა ნათლად აჩვენებს, რომ ხელისუფლებას ხალხის მანდატი აღარ გააჩნია.

„მიუხედავად იმისა, რომ მოსახლეობისთვის  ამ ტელევიზიის მმართველი გუნდისადმი სიმპატიები ცნობილია, „იმედის“ კვლევაშიც კი „ქართულ ოცნებას“ მოსახლეობის 32%-ზე მეტი არ უჭერს მხარს. ეს კვლევაც მეტყველებს, რომ ხელისუფლებას ხალხის მანდატი აღარ აქვს და რეალური შედეგი 8 ოქტომბერს გახდება ცნობილი. ჩემთვის უცნობია თუ ვინ ჩაატარა კვლევა და არსებობს ეჭვი, რომ „იმედის“ კვლევის დამკვეთი ხელისუფლებაა. თუმცა, ხელისუფლების დაკვეთისა და „იმედის“ მიერ გაჟღერებული კვლევითაც კი, „ოცნებაც“ 32%-ზე მეტი ამომრჩეველილ არ ყავს“, - განუცხადა კახიძემ „ექსპრესნიუსს“.

შეგასენებთ, რომ ტელეკომპანია "იმედის" დაკვეთით, ჩატარებული კვლევის თანახმად, გამოკითხულთა 58% არჩევნებზე მისვლას აპირებს.

კითხვაზე, ხვალ რომ საპარლამენტო არჩევნები იყოს, რომელ პარტიას მისცემდით ხმას, გამოკითხულთა 32% მხარს "ქართულ ოცნებას" უჭერს. "ნაციონალურ მოძრაობას" კი 16%.

"თავისუფალ დემოკრატებსა" და "ლეიბორისტულ პარტიას" მხარს გამოკითხულთა 4-4% პროცენტი უჭერს.

გამოკითხვის თანახმად, პაატა ბურჭულაძის პოლიტიკურ პლატფორმას, მხარს 3% უჭერს, "პატრიოტთა ალიანსს" და "დემოკრატიულ მოძრაობას" - 2-2%.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მათიკაშვილი - პირდაპირი მსგავსებაა სექტანტურ მიმდინარეობასა და იმ ე.წ. პროტესტს შორის, რომელიც საქართველოში მიმდინარეობს

ბოჭორიშვილი: საქართველო მტკიცედ დგას უკრაინელი ხალხის გვერდით

სი ძინპინმა განაცხადა, რომ ჩინეთი და აშშ პარტნიორები უნდა იყვნენ და არა მეტოქეები

ირანის ბლოკადის აღდგენის შემდეგ თეირანთან დაკავშირებული დაკავებული სავაჭრო გემების რაოდენობამ 115-ს მიაღწია.