საქართველოს სხვადასხვა რეგიონებში მიმდინარეობს ადგილების შერჩევა ქარის ტურბინების დასამონტაჟებლად,- ამის შესახებ საქართველოს ენერგეტიკის მინისტრმა, კახი კალაძემ ჟურნალისტებს განუცხადა. 

როგორც ენერგეტიკის მინისტრმა განაცხადა, აღნიშნული პროექტი ძალიან მნიშვნელოვანია და ქვეყნის ენერგეტიკულ, ეკონომიკურ განვითარებას ხელს შეუწყობს.

​„ეს ძალიან მნიშვნელოვანი პროექტია, ჩვენ მივესალმებით ასეთი პროექტების განხორციელებას. ჩემი დანიშვნის დღიდან, ჩემს გუნდთან ერთად, მთავრობასთან ერთად დავიწყეთ ამ პროექტის განხორციელება. ბავშვივით მიხარია, რომ ეს პროექტი დასასრულს უახლოვდება. ჩვენ, რა თქმა უნდა, ხელს შევუწყობთ ასეთი პროექტების განხორციელებას, თუმცა ერთი პროექტით, მაგალითად ქარის ტურბინების პროექტით შეუძლებელია თბოელექტროსადგურების ჩანაცვლება, ასევე თბოელექტროსადგურებით შეუძლებელი იქნება ჰიდროელექტროსადგურების ჩანაცვლება. ეს ყველაფერი ერთობლივად ძალიან მნიშვნელოვანია და ხელს უწყობს ჩვენი ქვეყნის ენერგეტიკულ, ეკონომიკურ განვითარებას", - განაცხადა ვიცე-პრემიერმა. მისივე ინფორმაციით, გორის მუნიციპალიტეტში 6 ტურბინა უკვე მონტაჟდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა