|
2016-09-02 16:07:59, 1445 ნახვა
ეკონომიკა
ფრიდრიხ ებერტის ფონდი გერმანიის რეგიონებში, საქართველოს ეკონომიკური შესაძლებლობების პოპულარიზაციას ხელს შეუწყობს
გერმანიის ფრიდრიხ ებერტის ფონდის პრეზიდენტმა კურტ ბეკმა ინტერესი გამოხატა ხელი შეუწყოს გერმანიის სხვადასხვა რეგიონში საქართველოს მიღწევების, მისი ეკონომიკური პოტენციალისა და ქვეყნის ევროპული განვითარების პოპულარიზაციას. ამის შესახებ "ექსპრესნიუსს" საგარეო საქმეთა სამინისტროდან აცნობეს. მათი ინფორმაციით, როგორც კურტ ბეკმა საქართველოს საგარეო საქმეთა მინისტრთან, მიხეილ ჯანელიძესთან ბერლინშიგამართული შეხვედრისას აღნიშნა ფონდი მრავალი წელია საქართველოსთან თანამშრომლობს და მათთვის შთამბეჭდავია ის პროგრესი, რასაც ქვეყანამ განვითარების გზაზე მიაღწია. „ბატონ მინისტრთან საინტერესო შეხვედრა გვქონდა, ვისაუბრეთ საქართველოს განვითარების სხვადასხვა მიმართულებებზე, მათ შორის როგორც ევროინტეგრაციის მიმართულებით, ასევე ეკონომიკური რეფორმებისა და მასშტაბური ინფრასტრუქტურული გეგმების შესახებ. ჩვენ დაინტერესებული ვართ საქართველოს პოპულარიზაციით და მისი ევროპული მიმართულების პოპულარიზაციით არა მხოლოდ ფედერალურ დონეზე გერმანიაში, არამედ მის ყველა მიწასა და ცალკეულ რეგიონებში. დარწმუნებული ვარ ჩვენი ძალისხმევა დადებით შედეგს მოგვცემს" - განაცხადა კურტ ბეკმა. საქართველოს საგარეო საქმეთა მინისტრმა ფონდის წარმომადგენლებთან შეხვედრაზე ვრცლად ისაუბრა სხვადასხვა სფეროში საქართველო გერმანიის წარმატებულ თანამშრომლობაზე, ევროპული ინტეგრაციის გზაზე საქართველოს მიერ გატარებულ რეფორმებზე, ასევე ქვეყნის ეკონომიკური განვითარებისა და საქართველოსსატრანზიტო და ენერგეტიკული პოტენციალის მაქსიმალური რეალიზაციის თვალსაზრისით საქართველოს ხელისუფლების გეგმებზე. მან მადლობა გადაუხადა გერმანულ მხარეს საქართველოს დამოუკიდებლობის გამოცხადებიდან დღემდე გაწეული დახმარებისა და მხარდაჭერისთვის. მან ხაზი გაუსვა ბოლო წლებში ორი ქვეყნის მჭიდრო თანამშრომლობას, რაც, როგორც მაღალი დონის ვიზიტების უპრეცედენტო სიხშირით, ასევე გერმანელი ექსპერტების მხრიდან საქართველოს მიმართ არსებული ინტერესითაც გამოიხატება. მინისტრმა ფრიდრიხ ებერტის წარმომადგენლები საქართველოში მოიწვია.
რესპუბლიკელები რუსეთთან საბრძოლველად 300 მილიონი დოლარის გამოყოფას ითხოვენ
დაკავებულია პირი, რომელმაც ყოფილი მეუღლის მკვლელობა განიზრახა და ნაცნობს 25 000 დოლარის სანაცვლოდ, ქილერის მოძიება დაავალა
ევროკავშირის HICP მეთოდოლოგიით დათვლილი წლიური ინფლაცია საქართველოში 5.7%-ის ფარგლებში ფიქსირდება
პაპუაშვილი – ბათუმის პროცესი მართლაც იქცა ქართულ ნიურნბერგის პროცესად
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



