დღეს, 25 აგვისტოს,  19:45 საათზე,  ტექნოპარკში პროექტ „სტარტაპ საქართველოს" მაღალტექნოლოგიური ბიზნესიდეების გამარჯვებული გუნდები დასახელდება და დაჯილდოების ცერემონიალი გაიმართება.
 
ღონისძიებას საქართველოს პრემიერ მინისტრი გიორგი კვირიკაშვილი, პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი და სხვა ოფიციალური პირები დაესწრებიან.
 
შეგახსენებთ,  პროგრამა ,,სტარტაპ საქართველო" საქართველოს მთავრობის 4-პუნქტიანი გეგმის ფარგლებში ხორციელდება. ეკონომიკის სამინისტროს ინფორმაციით, პროგრამის ფარგლებში მაღალტექნოლოგიურ კომპონენტში 150-მდე განაცხადი შემვიდა, მათ შორის 51 ფინალისტია. ფინალისტების შერჩევის მთავარი კრიტერიუმები იყო ისეთი პროექტების შერჩევა, რომელიც კონკურენტუნარიანები იქნებიან გლობალური მასშტაბით და ექნებათ ზრდის შესაძლებლობა.
 
3 კვირის განმავლობაში შესულ განაცხადებს  საერთაშორისო ექსპერტები აფასებდნენ ,,სილიკონის ველიდან".  შეფასების მთავარი კრიტერიუმები იყო: ინოვაციურობის ხარისხი, გლობალურ ბაზარზე გასვლის პოტენციალი, ვენჩურული ინვესტიციებისთვის მიმზიდველი პროდუქტები, გუნდის კომპეტენტურობა და ა.შ.

(NS)
 
ჯამში,   ,,სტარტაპ საქართველოს" ფარგლებში 720-ზე  მეტი განაცხადი შემოვიდა ინოვაციური ბიზნესის წარმოებისთვის.
 
პროექტს ახორციელებენ ეკონიმიკის სამინისტროს ინოვაციებისა და ტექნოლოგიების სააგენტო და საპარტნიორო ფონდი. პროგრამის განხორციელების პირველ ეტაპზე სახელმწიფომ 11 მილიონი ლარი გამოყო, რომლითაც   ინოვაციური და მაღალტექნოლოგიური სტარტაპები დაფინანსდება. სამომავლოდ, უფრო მეტი სტარტაპის დაფინანსების მიზნით, პროგრამის ბიუჯეტი შესაძლოა 35 მილიონ ლარამდე გაიზარდოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა

კახა კალაძე Kordz-ის კონცერტის გაუქმებაზე: როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია