საარჩევნო ადმინისტრაციისა და  სადამკვირვებლო ორგანიზაციების  წარმომადგენლებმა  2016 წლის  პარლამენტის არჩევნებისთვის, ქცევის კოდექსს მოაწერეს ხელი.

დოკუმენტი მინზად ისახავს 2016 წლის პარლამენტის  არჩევნების სამართლიანად  და გამჭვირვალედ  ჩატარების  ხელშეწყობას, კანონის უზენაესობის პატივისცემას და ძირითადი   საარჩევნო პრინციპების განხორციელებას.

 კოდექსზე ხელმომწერი მხარეები თანხმდებიან, რომ 8 ოქტომბრის არჩევნებისთვის საქართველოს კანონმდებლობით, არჩევნების საერთაშორისოდ  აღიარებული სტანდარტებით და აღნიშნული  ქცევის კოდექსით იხელმძღვანელებენ.

თამარ ჟვანიას  ინიციატივით, სამუშაო ჯგუფი, კოდექსის შემუშავების მიზნით, 30  ივნისს შეიქმნა. ჯგუფის შემადგენლობაში შედიოდნენ როგორც ცესკო-სა და სწავლების ცენტრის,  ისე ადგილობრივი არასამთავრობო ორგანიზაციების: ახალგაზრდა იურისტთა ასოციაციის, სამართლიანი  არჩევნებისად ა  დემოკრატიის საერთაშორისო  საზოგადოების, საერთაშორისო გამჭვირვალობა-საქართველოს, განვითარებისა და  დემოკრატიის ცენტრის, სამოქალაქო მოძრაობა -მრავალეროვანი საქართველოს, არასამთავრობოთა  კოალიცია სამოქალაქო განვითარებისთვის და ადამიანის უფლებათა  ცენტრის წარმომადგენლები.

 ღონისძიების მონაწილეებს  ცესკო-ს თავმჯდომარემ  სიტყვით მიმართა და აღნიშნა, რომ საარჩევნო  ადმინისტრაციის  მოხელეებისა და  ადგილობრივ  დამკვირვებელ ორგანიზაციათა წარმომადგენლების  მიერ  პროფესიული და ეთნიკური ნორმების დაცვა  მნიშვნელოვანი წინაპირობაა თავისუფალი და სამართლიანი არჩევნების უზრუნველსაყოფად.  თამარ ჟვანიამ  ადგილობრივი არასამთავრობო ორგანიზაციების წარმომადგენლებს  კოდექსზე  მუშაობის  პროცესში ჩართულობისთვის მადლობა გადაუხადა.

აღსანიშნავია, რომ 2016 წლის არჩევებისთვის  დამკვირვებლად რეგისტრირებულ  ორგანიზაციებს, სურვილის შემთხვევაში შესაძლებლობა აქვთ, ხელი მოაწერონ დოკუმენტს, რითაც  ასევე  გამოაცხადებენ  თანხმობას, იმოქმედონ  ქცევის კოდექსში გაწერილი ნორმების მიხედვით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა