საარჩევნო ბლოკმა „ვაშაძე, ჯაფარიძე- ახალი არჩევანი“ დღეს პაატა ბურჭულაძის პარტიას გაერთიანება შესთავაზა. გიორგი ვაშაძის განცხადებით, პოლიტიკოსებმა, რომლებსაც აქვთ პასუხისმგებლობა და საერთო ფასეულობები, მკვეთრად გამოხატული დასავლური ღირებულებები, უნდა გააერთიანონ საკუთარი ძალები და გამოცდილება საქართველოს კეთილდღეობისათვის.  

შეთავაზებას "სახელმწიფო ხალხისთვის" ერთ-ერთი ლიდერი გიორგი პაპავა "რუსთავი 2-თან" ინტერვიუშ გამოეხმაურა.

ბურჭულაძის პარტიის ეკონომიკური გუნდის ერთ-ერთმა ხელმძღვანელმა, განაცხადა, რომ პაატა ბურჭულაძეს პოლიტიკაში მოსვლის დღიდან აქვს სურვილი ითანამშრომლოს პროდასავლურ ძალებთან:

"ჩვენ ღია ვართ პროდასავლური პარტიებისთვის, რომლებიც იზიარებენ ჩვენს ღირებულებებს. მივესალმებით იმ განცხადებას, რომელიც გაკეთდა ზურა ჯაფარიძისა და ვაშაძის მიერ, ჩვენ ვთვლით, რომ ნამდვილად კომპეტენციაზე, სუფთა წარსულსა და რეპუტაციაზე დაფუძნებული ძალა ვართ და ვთვლით, რომ პაატა ბურჭულაძეს ნამდვილად აქვს რესურსი იმის, რომ შემოიკრიბოს პროდასავლური ძალა".

გიორგი პაპავას თქმით, ისინი გუნდში, პაატა ბურჭულაძესთან ერთად, განიხილავენ ვაშაძე-ჯაფარიძე-ახალი არჩევანის შეთავაზებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა